Katkop Oord

Selfsorg

Kapasiteit: 48 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Graafwater/Vredendal-weg, Katkop Oord, Graafwater, 8120, Wes-Kaap
Vanaf R850 per nag (plek vir 2)

Beskrywing

Katkop Oord bied vakansie- en oornagverblyf. 'n Rits kothuise en kampeerplekke is beskikbaar om elke sak te pas. Die plaas is 1200 hektaar groot.

Die ruim kothuise is selfsorgeenhede met oopplan-uitlegte. Elke eenheid het 'n dubbelbed en 'n en suite-badkamer met 'n stort, toilet en 'n wasbak. Die kombuis is met 'n sonkrag-yskas, gasstoof, koffie- en teemaakgeriewe, eetgerei en breekware toegerus. Elke kothuis het 'n privaat braai-area en stoep met 'n panoramiese uitsig op die berg en oor die laagliggende landerye.

Jakkalsdraai is 'n versameling van 4 kothuise wat aan mekaar gekoppel is. Dit is die sakpasopsie. Elke kothuis het 'n oopplan-ontwerp met beperkte privaatheid tussen die 2 slaapkamers, kombuisie, badkamer en sitarea. Al die eenhede het privaat stoepe, maar die braaigeriewe is gemeenskaplik. Elke kothuis het 'n privaat badkamer met 'n stort, toilet en 'n wasbak. Die kombuisies is elkeen met 'n yskas-vrieskas, gasstoof, en basiese potte, panne, eetgerei en kookgerei toegerus. Daar is 2 slaapkamers in elke kothuis. Die eerste slaapkamer het 'n dubbelbed en die tweede slaapkamer het 'n stapelbed en 'n enkelbed.

Alle ligte is sonaangedrewe, maar selfone en skootrekenaars kan gelaai word. Elke kothuis het 'n unieke naam, meubels en dekor.

Klipspringer is 'n selfsorgkothuis met 'n oopplan-uitleg. Elke eenheid het 2 slaapkamers en bied slaapplek aan 4 gaste. Die hoofslaapkamer het 'n dubbelbed en die tweede slaapkamer het 2 enkelbeddens. Die badkamer het 'n stort, toilet en wasbak. Die eenheid is baie goed geleë met 'n pragtige uitsig.

Daar is 'n rits voël- en kleinwildspesies op die perseel, insluitend 'n pragtige witkruisarend- en bloukraanvoël-broeipaar - Suid-Afrika se nasionale voël. Die gronddam lok baie voëls. Dassies, skilpaaie en kleinwild kom voor. Die omgewing bied baie bergagtige natuur met blomme en plante. Stappers kan hul uitleef in die natuur.

Katkop Oord is sowat 16 km van Graafwater af op die Vredendal/Graafwater-grondpad. Dit is net 30 minute se ry vanaf Weskus-dorpe soos Lambertsbaai en Strandfontein.

Die Namakwaland-veldblomseisoen is vanaf Julie tot Oktober en Katkop Oord is die perfekte plek vir 'n oornagstop of 'n blyplek-basis vanwaar die area verken kan word.

Kry ’n Kwotasie