Bloukrans Klein-bewarea

Selfsorg

Gratis kansellasie tot 1 week voor jou verblyf!
Kapasiteit: 6 mense
Inkloktyd: 14:00 tot 17:00
Uitkloktyd: 10:00
Adres: N1, Bloukrans Plaas, Laingsburg, 6900, Wes-Kaap
Geen kinders onder 12
Vanaf R2 000 per nag (plek vir 2)

Beskrywing

Bloukrans Klein-bewarea is op 'n plaas van 1000 hektaar in die Moordenaarskaroo tussen Laingsburg en Sutherland. Die plaas is 30 km vanaf Laingsburg en dié ongerepte omgewing bied pragtige fauna, flora, klipkranse en droë rivierbeddings.

Verblyf word in 3 eenhede, die Modderhuis, Kliphuis en Sinkhuis aangebied.

Die Kliphuisie was eens 'n skaapwagterhuisie van klip wat vernuwe is en beskik oor 'n slaapkamer, badkamer, klein sitkamer en 'n kombuisie. Die slaapkamer het 'n dubbelbed en die badkamer 'n bad. Die eenheid het ook 'n buitestort. Die kombuisie is met 'n yskas, koffie- en teemaakgeriewe met beskuit, breekware en eetgerei toegerus.

Die Modderhuis beskik oor 1 slaapkamer, 'n badkamer met 'n bad en 'n stort, 'n klein sitkamer en 'n kombuis. Die eerste slaapkamer het 'n dubbelbed en die tweede slaapkamer het 'n enkelbed. Die kombuisie is met 'n yskas, koffie- en teemaakgeriewe met beskuit, breekware en eetgerei toegerus. Die eenheid het 'n voor- en agterstoep met buitemeubels en 'n uitsig oor die Karoo-plaas. Daar is 'n privaat klein 'Karoo cold tub' vir warm dae.

Die Sinkhuis is onlangs opgeknap en bied slaapplek aan 2 gaste. Die huis is geheel en al van ou en nuwe sinkplate gebou en het 'n eklektiese atmosfeer. Dit het 'n slaapkamer met 'n dubbelbed en 'n en suite-badkamer. Die leefarea lei na 'n onderdakstoep met 'n uitsig oor die rivier. Daar is ook 'n kaggel en 'n kombuis met 'n tweeplaatgasstofie, yskas en tee- en koffiemaakgeriewe.

Gaste kan in die betonplaasdam afkoel, 'n voetslaanroete in die Buffelsrivier aanpak, voëls kyk of net rustig ontspan.

Kry ’n Kwotasie