Jack's Place

Selfsorg

Kapasiteit: 8 mense
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Rhenosterfontein-plaas, Bredasdorp, 7280, Wes-Kaap
Vanaf R2 700 per nag (plek vir 8)

Beskrywing

Jack's Place is 'n opgeknapte plaashuis naby Bredasdorp in die lieflike Overbergstreek. Die huis is in 'n omheinde kamp geleë waar elande, springbokke en sebras wei.

Die huis bied slaapplek aan 8 gaste en beskik oor 3 ruim slaapkamers waarvan die eerste een 'n dubbelbed en die ander 2 elk 2 enkelbeddens het. Twee ekstra gaste kan op die slaapbank in die sitarea slaap. Die huis het 2 badkamers, een met 'n bad, stort, wasbak en 'n toilet en die ander een met 'n stort, wasbak en 'n aparte toilet.

Op die voorstoep is daar braaigeriewe en 'n asemrowende uitsig. Die kombuis is met 'n yskas-vrieskas, stoof, mikrogolfoond en koffie- en teemaakgeriewe toegerus. Die sitarea is die perfekte plek om met 'n boek te ontspan of 'n program op die TV met DStv te kyk.

Voertuie kan in die huis se oop motorhuis parkeer.

Bergfietsryers kan die sirkelroete van ongeveer 15 km aandurf, voëlkykers kan tot 75 voëlspesies, insluitend die visarend, gewaar en die kinders kan in die rivier swem, tjoepry en met 'n kano vaar. Die huis is net 9 km vanaf Bredasdorp en dié dorp spog met uitstekende restaurante en 'n rits winkels vir gaste om te besoek. Maak gerus 'n draai Kapula Candles, Julians Restaurant, Bredasdorp Square en die Lifestyle Centre. Jack's Place is ook net 45 km vanaf die De Hoop Natuurreservaat en die pragtige kusdorpie Arniston is net om die draai.

Kry ’n Kwotasie