Geverifieerde Resensie
McGregor
Al die resensies is deur LekkeSlaap-gaste geskryf wat in McGregor bespreek het
Hierdie plek het 'n gemiddeld van 4.5 uit 5 gekry volgens 394 resensies.
"McGregor is 'n baie oulike dorpie! Dit is bietjie afgeleë van die omliggende dorpies wat beteken daar is minder mense en dis heerlik stil en rustig. Tog, is dit net 10 km van Robertson af so jy kan maklik vir 'n dag uit ry na enige van die wynplase. Daar is 'n wonderlike dag spa in die dorp wat 'n fantastiese massering bied!"
"Dis die ideale plek om te gaan ontspan - lees, eet, stap, drink wyn, gaan ry op die boot by Viljoensdrift, lees, eet, stap en drink nog wyn. Daar is wonderlike restaurante en kunsgalerye in McGregor."
"Karaktervolle dorpie met interessante besoekpunte. Vriendelike diens, goeie restaurante. "
"McGregor is maar 'n klein plekkie, 'n mens moet maar saamneem wat jy kan. Het van die eetplekke baie geniet en die kos was besonders!"
"Ons woon al 7 jaar in die Kaap en wou nog altyd McGregor besoek. Omdat dit nie op enige hoofroete geleë is nie, het ons verskeie kere verbygery en nooit afgedraai nie. En daarin lê die dorpie se bekoring. Jy moet 'n klein bietjie moeite doen om daar uit te kom (as mens die 20 km van Robertson af as moeite kan beskou), maar jy word beloon met 'n rustigheid wat moeilik te vinde is ."
"Pragtige plattelandse dorpie en die donkies is 'n bonus. Gaan besoek gerus Eseltjiesrus."
"Eseltjiesrus se donkies maak mens se hart sag! Lord's wyne en McGregor wyne was net so lekker. Vriendelike mense, ons kom weer."
"Die dorp is baie stil deur die week. Was al daar oor 'n naweek. Dinge lyk dan heelwat anders. Diens is nie oral so goed deur die week nie. Van die galerye was ook toe, maar die omgewing was wonderlik! Stappermekka!"
"Eerste keer in McGregor sal graag meer tyd daar wil spandeer om dit te verken."
"Al is die dorpie baie klein, kan dit in jou hart inkruip. Gaan besoek beslis vir John by die Old Post Office, maar maak net seker oor wanneer dit oop maak. Verder is dit lekker om met die plaaslike gemeenskap te gaan gesels oor wat als in die dorp aangaan."
"Pragtige wynplase in die omgewing! Eseltjiesrus Donkey Sanctuary 'n insiggewende besoek! Lekker restaurantjies."
"Ons is mal oor die dorp en sy mense asook die die plase rondom dorp."
"Pragtige dorpie. Alles is stapafstand. Heerlik geëet by Karoux, by Carol's Pub gekuier, wyn geproe by Lord's Wines en McGregor Wines."
