12 on Hillel Gaste Manor

Beskrywing

12 op Hillel is hoog op die oostelike helling van Northcliff Hill geleë en bied uitstekende akkommodasie aan oordeelkundige gaste in 'n rustige omgewing met skouspelagtige uitsigte, luukse kamers en tradisionele diens om 'n ontspanne ervaring te bied aan moeë reisigers.

Al die gastekamers is 'n gerieflike grootte en het privaat badkamers. Elke kamer is smaakvol versier en gemeubileer met Suid-Afrikaanse kunswerke ? oud en nuut. Gaste het eksklusiewe toegang tot die swembad en verskeie stoepe wat elk 'n pragtige uitsig op Johannesburg se stadsprofiel het. Die privaat sitkamer is die ideale plek om na ete drankies te geniet, saam met ander gaste te kuier of te ontspan voor jy gaan slaap.

Die huis is in 'n gesogte woonbuurt geleë en is maklik om te bereik van al die hoofpaaie af. Die sakekerns en winkels van Sandton, Fourways, Rosebank en Johannesburg se middestad is net 'n paar minute van ons af en Melville en Greenside se restaurante is ook naby. Doendinge in die omgewing sluit die volgende in: 'n stappie teen Northcliff Hill uit vir die meer aktiewe gaste en 'n rustige wandeling in die Johannesburgse Botaniese Tuine wat net 'n kort entjie se ry van ons af is.