by 14 Montego Bay at Caribbean Estates | LekkeSlaap

+17

14 Montego Bay at Caribbean Estates

6 resensies

Selfsorg

Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: Caribbean Landgoed, Rennies Strand, Port Edward, 4295, KwaZulu-Natal
Alle ouderdomme is welkom
Vanaf R1 500 per nag (plek vir 6)

Beskrywing

14 Montego Bay at Caribbean Estates bied selfsorgverblyf op ’n privaat landgoed in Rennies-strand. Die landgoed grens aan die Umtamvuna-rivier en bied direkte toegang tot die ongerepte strand.

Die eenheid het ’n hoë plafon, lugversorging, dit bied slaapplek aan 6 gaste en beskik oor 3 slaapkamers, 2 badkamers en ’n oopplan-leefarea. Die hoofslaapkamer het ’n ekstra lang koninggrootte-bed, ’n TV en ’n en suite-badkamer met ’n bad. Dié kamer lei na ’n privaat balkon met ’n uitsig oor die area en die see. Die tweede slaapkamer het ’n koningingrootte-bed en die derde slaapkamer het 2 enkelbeddens. Die twee slaapkamers deel ’n badkamer wat ’n stort en ’n aparte toilet het.

Die kombuis is met ’n skottelgoedwasser, wasmasjien-tuimeldroër, yskas-vrieskas, oond, stoof met ’n suigwaaier en ’n konveksie-mikrogolf. Die sitarea langsaan het ’n etenstafel met sitplek vir 6, sagte rusbanke en lei na ’n balkon met gasbraaigeriewe.

Die landgoed spog met 3 swembaddens, ’n tennisbaan en veilige parkeerplek vir voertuie. Daar is verskeie landskapsroetes deur die pragtige bewarea waar daar ook volop voëllewe is.

Die Wild Coast Sun and Wild Waves Water Park is 3 km vanaf die landgoed en daar is verskeie plekke om te besoek en om by te eet in die area.

Kry ’n Kwotasie