+15

3 Breakwater - HC3

Selfsorg

Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: Marinerylaan 25, Breakwater 3, Hermanus, 7200, Wes-Kaap
Alle ouderdomme is welkom
Vanaf R2 500 per nag (plek vir 6)

Beskrywing

3 Breakwater is 'n selfsorg-eenheid in 'n kompleks in Sentraal Hermanus. Dié gewilde vakansiedorp aan die Wes-Kaap se suidkus is wêreldbekend vir sy fantastiese walviskyk-geleenthede, hetsy vanaf land of boot. Hermanus se natuurskoon, matige klimaat, buitelug-doendinge, ryk flora en nabyheid aan Kaapstad maak dit die ideale basis vanwaar die Kaapse Overberg verken kan word.

Die eenheid het 2 verdiepings, bied slaapplek vir 6 gaste en beskik oor 3 slaapkamers, 2 badkamers en 'n oopplan-kombuis en -leefarea. Die hoofslaapkamer het 'n koninggrootte-bed en 'n en suite-badkamer met 'n vrystaande bad. Die tweede slaapkamer het 2 enkelbeddens wat in 'n koninggrootte-bed omskep kan word en die derde slaapkamer het 'n koninggrootte-bed.

Die selfsorgkombuis het 'n skottelgoedwasser, wasmasjien, stoof, oond, yskas-vrieskas, mikrogolf, eetgerei en breekware. Die eetarea het sitplek vir 8 gaste en die sitkamer het 'n gemaklik sitkamerstel en 'n TV met sekere DStv-kanale. Die leefarea lei na 'n stoep met 'n etenstafel en braaigeriewe. Die stoep kyk oor die agterplasie uit. Daar is 'n enkelmotorhuis en nog 1 parkeerplek.

Kry ’n Kwotasie