5 Mountains Lodge & Spa

Gastehuis

Kapasiteit: 17 persone
Inkloktyd: 14:00 tot 20:00
Uitkloktyd: 11:00
Adres: Bainskloofpad, Wellington, 7655, Wes-Kaap
Alle ouderdomme is welkom
Vanaf R2 250 per nag, vir 2 mense

Beskrywing

5 Mountains Lodge & Spa skuil tussen die voorheuwels van die historiese Bainskloofpas, digby Wellington in die hartjie van die wynlande, net 45 minute van Kaapstad se middestad af. Die pas lei 'n mens uit die dorp na 5 Mountains Lodge & Spa. Ontdek dié versteekte juweel in 'n oase van vreedsaamheid en rustigheid.

Daar is 5 individueel ontwerpte, Provensaalse tuinkothuise, elkeen met sy eie stoep en 'n lieflike uitsig oor die wingerd of pragtige tuine. Elke kothuis het sy eie Weber-braai. Braaipakke en wyn is by ontvangs beskikbaar. Daar is 'n kragopwekker op die perseel wat tydens beurtkrag gebruik word.

Die lodge bied 'n verskeidenheid heerlike maaltye van hoë gehalte, insluitend ontbyt en tuisgemaakte maaltye. 5 Mountains Lodge & Spa het 'n dranklisensie sodat gaste 'n koel, heerlike glas wyn saam met hul maaltyd kan geniet. Kom ontspan by hierdie luukse lodge in 'n pragtige Engelse tuin waar gaste in die swembad kan afkoel, op 'n sonstoel op die grasperk kan uitspan, in 'n sauna of stoomkamer kan ontspan, of in 'n Jacuzzi agteroor kan sit.

Die lodge is troeteldiervriendelik, so gaste kan hulle medium-grootte hond saambring indien hulle dit vooraf reël.

Kry ’n Kwotasie