677 on Lake

Selfsorg

Kapasiteit: 4 persone
Inkloktyd: 13:00 tot 19:00
Uitkloktyd: 10:00
Adres: Lake-weg 677, Wildernis, 6560, Wes-Kaap
Geen kinders onder 12
Vanaf R2 040 per nag, vir 4 mense

Beskrywing

677 on Lake bied 'n gerieflike selfsorgkothuis met 2 slaapkamers in 'n stil en rustige area met 'n asemrowende uitsig oor die natuurreservaat en Island Lake.

Die kothuis het 'n privaat ingang en 2 slaapkamers met gemaklike koninggrootte-beddens wat op versoek in 2 enkelbeddens omskep kan word. Elke slaapkamer het 'n en suite-stort en 'n verhitte handdoekreling. Die kombuis is met 'n induksiestoof, moderne konveksie mikrogolfoond, skottelgoedwasser, yskas, broodrooster, ketel en 'n tafel met sitplek vir 4 gaste toegerus. Daar is ook 'n klein dek waar gaste kan ontspan. 'n Ketelbraai is ook beskikbaar.

Daar is 'n klein TV-stel met DStv en WiFi is beskikbaar.

Alhoewel die kothuis aaneengeskakel is met die hoofhuis, sal die gasheer gaste se privaatheid respekteer, maar steeds beskikbaar wees indien gaste enige hulp nodig het.

Die kothuis bied slaapplek aan maksimum 4 gaste, maar dis ook geskik vir paartjies of sakereisigers. Die hoofhuis bied slaapplek aan 6 gaste en het 'n plonspoel en dit kan oor sekere tye van die jaar saam met die kothuis bespreek word vir 'n groot groep.

Die verblyf is nie troeteldiervriendelik nie.

Gaste kan 'n ononderbroke uitsig oor Island Lake, die natuurreservaat en op die Hoekwilberge geniet. Die perseel is naby Wildernis waar daar verskeie doendinge en geriewe is soos restaurante, winkels, voetslaanpaaie, pragtige strande, en nog meer. Die ligging bied ook maklike toegang tot die N2 vir gaste wat die Tuinroete wil verken.

Kry ’n Kwotasie