+32

7th Heaven Guesthouse

5 resensies

Gastehuis

Kapasiteit: 12 persone
Inkloktyd: 10:00 tot 14:00
Uitkloktyd: 15:00
Adres: Banketrylaan 636, Helderkruin, Johannesburg, 1724, Gauteng
Alle ouderdomme is welkom
Vanaf R900 per nag (plek vir 2)

Beskrywing

7th Heaven Guesthouse is in die heuwels van Helderkruin, Roodepoort geleë en bied 'n onbelemmerde uitsig oor die Kloof-en-Dal-vallei en pragtige sonsondergange.

Die gastehuis bied verblyf in 6 gerieflik gemeubileerde kamers wat elkeen slaapplek vir 2 gaste het. Elke kamer is na 'n planeet in die sonnestelsel vernoem, het 'n privaat ingang, 'n dubbelbed en 'n en suite-badkamer met 'n stort en 'n toilet. Linne en badhanddoeke word voorsien.

Elke kamer beskik oor 'n kombuisie wat met 'n mikrogolfoond, yskassie, eetgerei en breekware vir 2 gaste, en koffie- en teemaakgeriewe toegerus is. 'n Paar van die kamers het ook eetareas binne of op die stoep buite. Die kamers het ook elkeen 'n TV met sekere DStv-kanale, 'n werkstasie en WiFi is beskikbaar. Rook is verbode in die kamers, maar 'n aangewese rookarea is beskikbaar.

Gaste kan op die stoep langs die swembad ontspan, 'n oog oophou vir die donkernaguil saans, 'n vleisie op die gasbraaigeriewe braai, of 'n rondte veerpyltjies speel. 'n Motorhuurdiens en veilige onderdakparkeerplek is beskikbaar.

7th Heaven Guesthouse is net 7 km van die Clearwater Mall af waar gaste die verskillende winkels en restaurante kan besoek, en 9 km van die pragtige Walter Sisulu Nasionale Botaniese Tuin af.

Kry ’n Kwotasie