+11

8 Abalone Place

9 resensies

Selfsorg

Kapasiteit: 5 persone
Inkloktyd: 14:00 tot 19:00
Uitkloktyd: 10:00
Adres: Beachview-rylaan 8, Beachview, Gqeberha (Port Elizabeth), 6001, Oos-Kaap
Alle ouderdomme is welkom
Vanaf R1 100 per nag, vir 5 mense

Beskrywing

Abalone Place is in die skilderagtige dorpie Beachview, 25 km vanaf Gqeberha (Port Elizabeth) in die Oos-Kaap. Dié ten volle toegeruste selfsorg-woonstel is ideaal vir 'n wegbreek by die see, hetsy in die week, oor 'n naweek of in die vakansie. Die woonstel is op die grondvloer en daar is nie ander gaste op die perseel nie.

Abalone Place is in 'n mooi tuin met 'n pragtige uitsig oor die see, en restaurante en winkels is etlike minute van ons af. Sandy Beach, 'n getypoel en 'n visvang-area is net 'n kort entjie se stap van hier af. Van hier af kan jy die tjokkabote dophou en die dolfyne sien baljaar.

Die woonstel het sy eie ingang en bestaan uit 2 slaapkamers, 'n sitkamer, eetkamer, kombuis en 'n badkamer. Die hoofslaapkamer het 'n koningingrootte-bed en ingeboude kaste en die tweede slaapkamer het 2 driekwartbeddens. Die kombuis het 'n mikrogolf, yskas, vrieskas, tweeplaat-oond en alle nodige toebehore en breekware. Die sitkamer en hoofslaapkamer het DStv. Gaste het toegang tot die braai-area, tuin en dek met 'n pragtige uitsig oor die see. Veilige parkeerplek is beskikbaar.

Beddegoed en handdoeke word voorsien, en daar is 'n kluis en veilige parkeerplek op die perseel. Doendinge sluit rotsvisvang, branderplankry, wildkyk, voetslaan, voëlkyk, swem en veel meer in.

Ons is 5 km vanaf Maitland's Beach, 14 km vanaf Kragga Kama Wildreservaat, 36 km vanaf die lughawe, 16 km vanaf Sardinia Bay Gholfbaan, 34 km vanaf Board Walk Casino, 4 km vanaf restaurante en winkels en 55 km vanaf Jeffreysbaai.

Kry ’n Kwotasie