85 Ehmke

Gastehuis

Kapasiteit: 18 persone
Inkloktyd: 14:00 tot 19:00
Uitkloktyd: 10:00
Adres: Ehmkestraat 85, Nelspruit, 1200, Mpumalanga
Alle ouderdomme is welkom
Vanaf R700 per nag (plek vir 2)

Beskrywing

85 Ehmke bied gerieflike verblyf net 2 km van Mbombela (Nelspruit) se sakekern af, na aan die winkelsentrums, die Laeveld Nasionale Botaniese Tuine, 'n rolprentteater en rolbalbaan.

Ons het standaard-dubbelkamers of standaard 2-enkelbedkamers en 'n dubbelkamer. Elke kamer het topgehalte-linne, koffie- en teemaakgeriewe, 'n yskassie en 'n TV met DStv. Die standaard-dubbelkamers en die dubbelkamer het ook lugversorging. Die korporatiewe gaste kan gebruik maak van die gratis WiFi, faks- en fotostaatgeriewe. Gaste het ook toegang tot die swembad, lapa en braaigeriewe. Die gastehuis grens agter aan 'n natuurreservaat en gaste kan elke nou en dan 'n klipspringer of 'n muishond gewaar.

Mbombela (Nelspruit) is 'n subtropiese stad wat 'n ryk geskiedenis met prentjiemooi wild en natuur, avontuur, aktiwiteite en besienswaardighede vervleg. Die stad is die toegangspoort na die Krugerwildtuin, een van die grootste wildreservate in Afrika. Besienswaardighede en aktiwiteite in die area sluit Emnotweni Casino, Adventure Skydives, Chimpanzee Eden, Sudwala-grotte, Mafunyana Riverside Waterpark en die Uitsoek-staproete in.

Kry ’n Kwotasie