Alista

Beskrywing

Alista bied gerieflike selfsorg-akkommodasie in 'n tweeslaapkamerwoonstel reg op die strand wat sydelings uitsigte oor die see bied. Dis in Point Village in Mosselbaai geleë en dis sommer lekker naby aan restaurante en strande. Die woonstel bestaan uit 2 slaapkamers, 2 badkamers, 'n oopplan-kombuis en -leefarea en 'n balkon buite. Die eerste slaapkamer beskik oor 'n dubbelbed en die tweede slaapkamer het 2 enkelbeddens. Die eerste badkamer het 'n bad en die tweede badkamer het 'n stort. Die leefarea het 'n TV met DStv en die kombuis is toegerus met 'n yskas, 'n mikrogolfoond, 'n oond en stoof, broodrooster, wasmasjien, tuimeldroër en 'n eetarea. Die balkon bied gemaklike sitplek op buitemeubels en die woonstel beskik oor ingeboude braaigeriewe. Daar is 'n pendeldiens na en vanaf George-lughawe beskikbaar. Die dorpie Mosselbaai is halfpad tussen Kaapstad en Port Elizabeth geleë en dis in die hartjie van die Tuinroete. Dus is dit 'n ideale oornagplek vir reisigers tussen die Wes- en die Oos-Kaap. Mosselbaai is 'n welbekende toeristebestemming en dis veral bekend vir sy poskantoor in die vorm van 'n skoen, die Tuinroete-kasino en 60 km se spierwit strande. Besienswaardighede sluit in die Kaap St Blaize-vuurtoring, die Mosselbaai-gholfklub, Ochre Barn, Ther Old Joinery, die oorlogsgedenkteken, Zorgfontein-wildsplaas, Botlierskop Privaat Wildreservaat. Verder is daar 'n hele rits doendinge in Mosselbaai vir die adrenalienvrate, insluitend haaihokduik, skeepswrak-duik, motorbootritte, township-toere, reksprong en vryval.

Die eenheid/kamer het

Slaapkamer 1

Plek vir 2 persone

1 xDubbelbed

Slaapkamer 2

Plek vir 2 persone

2 xEnkelbed / Driekwartbed

Tariewe

Kamergeriewe

Prys sluit in

Selfsorg

Huisreëls

Die breekskadedeposito is 7 dae na vertrek terugbetaalbaar indien alles in orde is by die eenheid.

Gaste kan later inklok indien hulle vooraf reël.

Addisionele fooie sal gehef word in die geval van enige van die onderstaande situasies:

- Indien gaste in die eenheid rook
- Indien die skottelgoed nie gewas is voor vertrek nie
- Indien gaste die eenheid nie toesluit nie
- Indien gaste nie die sleutels met vertrek teruggee nie
- Indien gaste na die inkloktyd arriveer
- Indien meer gaste as waarvoor bespreek is die eenheid beset
- Indien daar enige merke of vlekke op die meubels of matte is
- Indien troeteldiere in die eenhede is sonder toestemming
- Enige breekskade of tekortkominge
- Enige buitensporige geraas of stoornisse wat veroorsaak dat die bure kla
- Indien gaste die inhoud van verskillende eenhede meng bv. eetgerei en breekware ens.

Kansellasiebeleid - Pasgemaak