All over Africa Gastehuis

Gastehuis

Gratis kansellasie tot 24 uur voor jou verblyf!
Kapasiteit: 13 persone
Inkloktyd: 14:00 tot 19:00
Uitkloktyd: 10:00
Adres: Ambrosia-straat 133, Birch Acres, Kemptonpark, 1618, Gauteng
Alle ouderdomme is welkom
Vanaf R1 000 per nag, vir 2 mense

Beskrywing

All over Africa Gastehuis is 'n luukse grasdak-gastehuis in die stil woonbuurt Kempton Park en bied verblyf aan sakereisigers en vakansiegangers. 'n Groot ontbyt en driegangaandetes is beskikbaar, en kospakkies word vir middagete verskaf.

'n Verteenwoordiger van die instansie sal jou verniet by die O.R . Tambo Lughawe kom optel en weer aflaai as dit binne werksure is en teen 'n klein fooi na-ure. Die gastehuis kan ook toere in en om Gauteng reël.

Gaste kan kies tussen ons 6 gastekamers genaamd Renoster, Leeu, Luiperd, Cheetah, Buffel en Olifant. Elke kamer het slaapplek vir 2 tot 3 gaste. Vier van die kamers het grasdakke.

Die kamers is ingerig met gemaklike enkel-, dubbel- of koningingrootte-beddens. Vier van die kamers het en suite-badkamers, terwyl 2 van die kamers 'n badkamer deel. Al die kamers is ingerig met 'n TV en DStv, waaiers, verwarmers, tee- en koffiemaakgeriewe, sowel as gratis WiFi. Drie van die kamers het mikrogolwe en yskassies. Drie luukse kamers is in die huis en drie kamers is buite met hulle eie uitgange.

All Over Africa Gastehuis is net 7 km vanaf die Festival Mall, 12 km vanaf Greenstone Winkelsentrum, 13 km vanaf die Mall of Africa en vele meer winkelsentrums. Dis naby gholfbane en ander sportgeriewe. Toere in en om Johannesburg en Pretoria kan teen ekstra koste gereël word. Die Voortrekkermonument, Cullinan-diamantmyn en Gold Reef City is van die plekke wat besoek kan word. Die gastehuis reël ook toere na die Krugerwildtuin.

Die gastehuis bied toere aan na al die toeriste-bestemmings in Gauteng, insluitend 'n diamantmyn-toer, die Voortrekkermonument, Wieg van die Mensdom, die leeu- en renosterpark, sowel as 'n grottoer.

Kry ’n Kwotasie