Allegro Guest House

Gastehuis

Kapasiteit: 14 persone
Inkloktyd: 14:00 tot 20:00
Uitkloktyd: 10:00
Adres: Voortrekkerstraat 8, Prieska, 8940, Noord-Kaap
Alle ouderdomme is welkom
Vanaf R1 140 per nag, vir 2 mense

Beskrywing

Allegro Guest House is 'n pragtige gastehuis in Prieska, wat in die Noordkaap is. Ons bied gaste 'n lekker bed-en-ontbyt opsie en is die perfekte slaapplek vir gaste wat wil ontspan en rus in ons gemaklike gastehuis. Dis ook die perfekte plek vir gaste wat die Doornberge en pragtige Oranjerivier wil besigtig.

Daar is 5 eenhede wat elk 2, 3 of 4 persone kan akkommodeer. Die geriewe in elke eenheid sluit in 'n yskassie, mikrogolfoond, broodrooster, asook tee- en koffiegeriewe. Die badkamers is en suite en beskik oor of 'n bad en aparte stort, of net 'n stort. Verder is daar ook eetgerei en breekware in elke eenheid, die hoeveelheid afhangend van die kapasiteit van die eenheid.

'n Selfsorgontbyt word voorsien. Melk, vrugteslaai, jogurt, muffins, brood, konfyt en kaas word in die yskas voorsien. Ontbytgraan, eiers en seisoenale vrugte is ook ingesluit. Aandete kan vooraf teen 'n ekstra koste gereël word.

Gaste kan so 'n entjie gaan ry om die plaasgemeenskap al langs die rivier te sien. Ons bekende landmerk, Wonderdraai kan ook besigtig word en is sowat 20 km buite die dorp.

Kry ’n Kwotasie