Arabella No. 8

Beskrywing

Arabella No. 8 is een van 8 eenhede in 'n veilige kompleks teen Margate se strandmeer. Die eenheid het slaapplek vir 6 gaste en beskik oor 3 slaapkamers.

Dié woonstel het 3 slaapkamers en die hoofslaapkamer is ingerig met 'n koningingrootte-bed en 'n en suite-badkamer met 'n bad, stort en 'n toilet. Die tweede slaapkamer het 'n koningingrootte-bed en die derde slaapkamer is ingerig met 2 enkelbeddens. Daar is 'n tweede badkamer met 'n toilet en 'n stort.

Die woonstel is op die derde verdieping en is pragtig gemeubileer. Die woonstel het 'n oopplan-sitarea, -eetarea en -kombuis. Die kombuis is baie goed toegerus en beskik oor 'n tuimeldroër en 'n wasmasjien. Die sitarea het 'n pragtige see-uitsig, en daar is 'n TV, DVD-speler en 'n DStv-dekodeerder (die volledige pakket is beskikbaar, maar "movies on demand" is ongelukkig nie ingesluit nie). Die konsertina-deure is van glas en stel jou in staat om die uitsig ten volle te benut. Verder is daar oopskuifvensters en veiligheidshekke vir die kinders se veiligheid. Die hele interieur is op een vlak maar mens moet trappe klim om die ingang te bereik.

Arabella No. 8 het nie 'n stoep nie, maar die draagbare gasbraaier kan na die konsertinadeure geskuif word vir diegene wat wil braai. Mens kan nie verder as dié deure loop nie en daar is 'n glasreling aan die onderkant. Een motorhuis is beskikbaar en daar is 'n oop parkeerplek in die kompleks wat geskik is vir 'n klein voertuig of 'n sleepwa.

Die kompleks is baie sentraal en die voetpaadjie tussen die kompleks en die strand is net 150 meter lank. Maak gerus gebruik van die nabygeleë munisipale swembad en besoek die winkels en restaurante in Margate se middedorp. Dit is loopafstand van die woonstel af.