Asemskep

Stil en rustig.

Lieflike groot huis met 'n mooi uitsig van die stoep af. Uiters goed toegerus, aandag geskenk aan elke moontlikheid. Buks was baie vriendelik en reelings met Beulah was moeiteloos en flink. Ons honde het die groot grasperk geniet en kon lekker oral rondsnuffel. Die huis was ook heerlik warm toe ons wakker geword het, selfs met die ligte sneeuval buite. Let wel, daar is geen selfoonopvangs in die erf of 'n hele ent se ry weg nie.

Peaceful, tranquil and refreshing.

Asemskep is the perfect place to reset. Getting away from the influences of society. No internet, no television, no distractions. But emergency connections are available. I would like to go again when it is snowing.

Stilte, skoonheid en asemskepplek.

Stilte, sterre, skoonheid en saligheid.

Fantasties.

Uitstekende geriewe en ligging.

Fantasties!

Beulah is 'n wonderlike gasvrou! Ons het heerlik gerus en sal graag terug gaan.

Groot ou plaashuis met uisig oor 'n stuk land met spilpunt en berge.

Die grondpad vanaf die N9 tot Asemskep is baie sleg, Vanaf Nieu-Bethesda is daar geen aanwysings nie en geen sein vir Google Maps nie. Baie verlate, het geen voertuig teegekom nie.

Rustig en stil, veilige plaasverblyf in groot ou plaashuis en goeie waarde vir geld.

Dit was presies wat ons nodig gehad het na 'n deurmekaar 2020. Groot ou plaashuis met breë gang, groot kamers en al die geriewe wat nodig is vir 'n lekker rustige plaaswegbreek. Die binnebraai was 'n groot pluspunt, want dit het omtrent elke aand gereën Dit was wonderlik om ook nie selfoon sein te hê by die huis nie, maar indien jy 'n vinnige of noodoproep moet maak is daar sein sowat 500 m weg van die plaashuis. Beulah het ons baie vriendelik ontvang en sekergemaak ons het alles wat ons nodig het en weet waar alles is en hoe alles werk. Ons is selfs oorgenooi vir 'n drankie na haar en Buks se huis en ons het heerlik gekuier en gesels. Dit het 2 van die 3 dae gereën wat fantasties was om te beleef in die Karoo. Ons het dus nie die swembad gebruik nie. Lekker bergfietsroetes op mooi plaaspaaie in beide rigting vanaf die plaashuis.

Dit voel soos tuiskoms. Als is perfek skoon netjies. Ouwêreldse mooi. Spesiale kersversierings gemaak. Heerlike warm plaaskos!

Beulah is 'n bondeltjie vreugde. Sy doen die ekstra moeite. Die mooiste kersversierings uitgehaal en vir ons die kersliggies aangesit. Die ou bome op die werf moet honderde jare oud wees, hul deursnit is seker meer as 2 meter. Na meer as 1000 km vir die dag was dit heerlik om warm Karooplaas kos te kon eet en vroeg in 'n lekker skoon bed in te kon klim.

Afgesonder, skoon en alle geriewe.

Baie veilig in ou opgeknapte plaashuis. Stilte en vrede met oop ruimtes. Huis is skoon en netjies. Eienaars baie gasvry.

Kalmerend.

Die verblyf en ontvangs was baie goed. Vriendelik en skoon en heerlike plaas atmosfeer. Baie goed ingerig en alles wat jy mag nodig he is beskikbaar. Baie mooi omgewing. Die pad na die plaashuis is meer geskik vir 4x4-voertuie op hierdie stadium.

Behoorlike Karoo-plaaservaring!

Wat 'n beautiful ervaring! Groot en ruim binne, bietjie werk nodig buite, maar die omgewing is asemrowend. Beulah en Buks se gasvryheid was ongeëwenaar. Ons kinders en honde het dit terdeë geniet!

Soos naam sê.

Baie gerieflike, ruim huis in stil omgewing - weg van stad se gedruis. Goed toegerus met alles wat nodig. Vir tiener was die afwesigheid van selfoonsein 'n effense nadeel - dalk is daar sein deur 'n ander netwerk beskikbaar. Het baie welkom gevoel. Sal graag weer daar gaan asemskep.