Assendelft Lodge & Bush Camp

Gastehuis

Gratis kansellasie tot 1 week voor jou verblyf!
Kapasiteit: 17 persone
Inkloktyd: 14:00 tot 20:00
Uitkloktyd: 10:00
Adres: Goeiemoed Plaas Nommer 90, Prins Albertweg, 6931, Wes-Kaap
Alle ouderdomme is welkom
Vanaf R990 per nag, vir 2 mense

Beskrywing

Assendelft Lodge & Bush Camp is 40 km vanaf Prins Albert geleë, 'n area wat veral bekend is vir staproetes, natuur, wild, museums, boeremarkte en ikoniese besienswaardighede soos die Swartbergpas. Dit is die perfekte wegbreekplek vir diegene wat op soek is na 'n vakansie buite die stad.

Verblyf word in 8 eenhede vir 17 gaste gebied. Die eenhede sluit Lodge-kamers, 'n kothuis en Boskamp-chalets in.

Die 2 Lodge-kamers is vir 2 gaste per kamer geskik. Een kamer het 'n koningingrootte-bed, die ander kamer het 2 enkelbeddens. Elke kamer het 'n stort, toilet en wasbak. Daar is ook lugversorging, 'n yskassie en 'n tafel. 'n Selfhelp-ontbyt van granola, jogurt, vrugtesap, tee en koffie word voorsien. Braaigeriewe kan vir aandete voorsien word.

Die Kothuis is langs die Lodge en beskik oor 'n slaapkamer met 'n dubbelbed, 'n en suite-badkamer met 'n stort, toilet en wasbak en 'n leefarea met lugversorging, 'n kombuisie en 'n enkelbed. Dit is dus vir 'n gesin met 1 of 2 klein kinders geskik. 'n Selfhelp-ontbyt van granola, jogurt, vrugtesap, tee en koffie word voorsien. Braaigeriewe kan voorsien word.

Die Boskamp bestaan uit 5 chalets, elk met 2 enkelbeddens en 'n en suite-badkamer met 'n stort, toilet en wasbak. Elke chalet is met 'n gasplaat, eetgerei, breekware en glasware toegerus en alle linne word voorsien. Braaigeriewe is by elke chalet beskikbaar.

Kampeer in tente, karavane, ens. word by die Boskamp toegelaat. Daar is geen afgebakende kampeerplekke nie, maar geskikte areas is beskikbaar.

Kry ’n Kwotasie