Autumn Lane

Selfsorg

Kapasiteit: 23 mense
Inkloktyd: 14:00 tot 19:00
Uitkloktyd: 10:00
Adres: Sonstraalstraat, Paarl, 7646, Wes-Kaap
Alle ouderdomme is welkom
Vanaf R1 000 per nag (plek vir 2)

Beskrywing

Autumn Lane is selfsorgverblyf op 'n werkende wynplaas in die Paarl. Dié puik verblyf is ideaal vir sakereisigers en toeriste wat die wynplase in die omgewing wil besoek.

Daar is 4 eenhede wat Autumn Lane Soleil Suite, Minié Farm Manor House, Le Héritage Porto Blanc, en Le Héritage Porto Rouge insluit.

Autumn Lane Soleil Suite het slaapplek vir 2 tot 5 gaste en het 'n koninggrootte-bed en 'n driekwart-stapelbed, en die badkamer het 'n bad, stort, wasbak en toilet. Ander geriewe sluit WiFi, 'n eetarea, volledig toegeruste kombuis, binnebraai en 2 TV's in wat onderskeidelik die volle DStv-pakket en Netflix het, en tee- en koffiemaakgeriewe met melk en beskuit. Daar is ook 'n privaat ingang en privaat parkeerplek, sowel as 'n vuurput en privaat plonspoel. Gaste moet hul eie braaihout of brikette saambring.

Minié Farm Manor House het slaapplek vir 6 gaste in 2 slaapkamers. Altwee slaapkamers het koningingrootte-beddens en die een kamer het ook twee ekstra enkelbeddens. Daar is 'n bad, stort, wasbak en toilet in die een badkamer en die ander badkamer het ‘n stort, toilet en wasbak. Daar is ook 'n aparte gastebadkamer met 'n toilet en wasbak. Die oopplan-leefarea het 'n kombuis met alles wat jy benodig vir selfsorg, 'n sitarea met gemaklike sitplek, 'n pooltafel, 'n TV met DStv, 'n kaggel, binnebraai en twee buitebraais. Gaste moet hul eie hout of brikette saambring. Daar is slaapplek vir 7 ekstra gaste teen 'n ekstra koste.

Le Héritage Porto Blanc bied slaapplek aan 2 gaste en het 'n koningingrootte-bed en 'n badkamer met 'n stort, wasbak en toilet. Die kombuisie is met 'n ketel, mikrogolf, yskas-vrieskas, stoof, lugbraaier en tee- en koffiemaakgeriewe toegerus. Ander geriewe sluit lugversorging, 'n TV met sekere DStv-kanale en WiFi in. Daar is ook ‘n swembad en ingeboude braai vir gaste om te geniet.

Le Héritage Porto Rouge bied slaapplek aan 2 gaste en het 'n koningingrootte-bed en 'n badkamer met 'n stort, wasbak en toilet. Die kombuisie is met 'n ketel, mikrogolf, yskas-vrieskas, stoof, lugbraaier en tee- en koffiemaakgeriewe toegerus. Ander geriewe sluit lugversorging, 'n TV met sekere DStv-kanale en WiFi in. Daar is ook swembad en ingeboude braai vir gaste om te geniet.

Daar is heelwat aktiwiteite in die omgewing en gaste is welkom om af te koel in die swembad of dam op die plaas. Pak gerus ook 'n piekniekmandjie en soek 'n lekker uitspanplekkie langs die dam.

Kry ’n Kwotasie