Basil's Boma

Selfsorg

Kapasiteit: 6 mense
Inkloktyd: 14:00 tot 19:00
Uitkloktyd: 10:00
Adres: Plaas S82, R560, Skeerpoort, 0232, Noordwes
Geen kinders onder 12
Vanaf R1 700 per nag, vir 2 mense

Beskrywing

Basil's Boma is ideaal vir gaste op soek na stilte weg van die stad af. Dit spog met gerieflike, eko-vriendelike selfsorgverblyf in 'n stil omgewing, warm gasvryheid en uitsigte op die berge en oor die bos.

Dit is op die Witwatersrand Bergreeks met 'n uitsig oor die Skeerpoort Vallei en die Magaliesburg Bergsreeks. Dit is 15 minute vanaf Hartbeespoortdam en 1 uur vanaf Johannesburg en Pretoria.

Die verblyf bestaan uit 2 eenhede. Potter's Shed het 2 slaapkamers en bied slaapplek aan 4 gaste. Die hoofslaapkamer het 'n koningingrootte-bed en 'n en suite-badkamer met 'n stort, wasbak en toilet. Die tweede slaapkamer het 2 enkelbeddens. Daar is ook 'n oopplan-sitarea, -eetarea en -kombuis met 'n gemaklike bank, twee groot ottomans en 'n kaggel.

Die kombuis is met 'n yskas, eetgerei, breekware, glase en 'n tweeplaatgasstoof toegerus. Die leefarea buite het 'n vuurput, braai-area, 'n groot bank, klein etenstafel met stoele en 'n plonspoeletjie. Daar is ook 'n buitestort.

Die Luxury Bush Chalet het 'n groot slaapkamer met 'n koninggrootte-hemelbed, 'n bank, twee stoele, 'n kaggel en opvou-deure wat lei na 'n groot dek met 180°-grade uitsigte. Daar is 'n en suite-badkamer met 'n stort. 'n Privaat plonspoel is ook beskikbaar. Die groot houtdek spog met 'n etenstafel en stoele, 2 gemakstoele, 'n ekstra tafel met stoele, 'n boskombuis, rietdakkroeg en privaat boma-area.

Elke eenheid het 'n privaat braai-area en parkeerplek is op die perseel beskikbaar.

Masseer-terapie vir paartjies kan vooraf teen 'n ekstra koste gereël word op die dek by die Bush Chalet of naby die poele, in die bos, of by die kaggel op koue dae.

Gaste hoef net te ontspan, herlaai en die natuur geniet.

Daar is verskeie doendinge in die omgewing, soos Chameleon Village, Dam Wall, Bill Harrops Hot Air Ballooning en Arrow Rest in. Laasgenoemde bied vierwielmotorfiets en boogskiet.

Kry ’n Kwotasie