Bella se Plekkie

11 resensies

Selfsorg

Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: Aandblomlaan 10, Stilbaai-Wes, Stilbaai, 6674, Wes-Kaap
Geen kinders onder 3
Vanaf R890 per nag, vir 4 mense

Beskrywing

Bella se Plekkie is 'n gerieflike selfsorgwoonstel in die pragtige kusdorp, Stilbaai. Dié dorpie skuil aan die oewer van die Goukourivier en spog met lang strande, 'n vlei en 'n verskeidenheid mariene- en voëlspesies.

Hierdie eenslaapkamerwoonstel op die eerste verdieping het steil trappe wat nie vir bejaardes geskik is nie. Daar is slaapplek vir 4 gaste, verkieslik 2 volwassenes en 2 kinders. Die slaapkamer het 'n dubbelbed en bied toegang tot die balkon. Daar is 'n stapelbed in die leefarea wat 1 volwassene kan akkommodeer, of dit kan op versoek in 2 enkelbeddens langs mekaar vir 2 kinders omskep word. Die eenheid het 'n badkamer met 'n stort, wasbak en 'n toilet.

Die kombuis is ten volle toegerus met 'n yskas-vrieskas, stoof, oond, mikrogolfoond, ketel en kookgerei. Daar is 'n TV met sekere DStv-kanale, wasgoedgeriewe, 'n privaat tuin, balkon en 'n braai-area. Veilige parkeerplek vir 1 voertuig en 1 sleepwa is beskikbaar.

Doendinge en besienswaardighede in die omtrek sluit Stilbaai se gholfklub, voetslaanroetes, Stilbaai se strande, swem, branderplankry, hengel en kanovaart in.

Kry ’n Kwotasie