Big Fish Eagle Lodge

Lodge

Kapasiteit: 30 persone
Inkloktyd: 14:00 tot 20:00
Uitkloktyd: 10:00
Adres: Krokodilstraat 96, Komatipoort, 1340, Mpumalanga
Alle ouderdomme is welkom
Vanaf R1 380 per nag, vir 2 mense

Beskrywing

Big Fish Eagle Lodge is vernoem na die visarend wat by hierdie rivier en in sekere gedeeltes van die Krugerwildtuin voorkom. Die luukse lodge is op die oewer van die Krokodilrivier. Big Fish Eagle Lodge is die ideale plek om rustige aande deur te bring terwyl gaste kan luister na die gesnork van die seekoeie of die gebrul van die leeus in die verte.

Verblyf word aangebied in 6 dubbelkamers met balkonne wat uitsigte bied oor die Krugerwildtuin. Daar is ook 4 dubbelkamers met 'n uitsig oor die swembadarea. Al die kamers het en suite-badkamers. Die moderne kamers het elkeen lugversorging, satelliet-TV en gratis WiFi. Elke kamer het 'n donsige koningingrootte-bed oorgetrek met die beste linne en 'n kombuisie wat met 'n yskassie en tee- en koffiemaakgeriewe toegerus is.

Die balkonne bied uitsigte oor die rivier waar diere kom wei in die middagson en water kom drink voor hulle die donker Afrika-nag aandurf.

Rook is verbode binne die lodge, maar daar is aangewese rookareas. Gaste kan afkoel in die swembad. Die lodge bied 'n daaglikse skoonmaakdiens aan en daar is veilige parkeerplek op die perseel. Maaltye kan vooraf versoek word en daar is 'n paar restaurante wat 'n verskeidenheid plaaslike en internasionale disse aanbied binne stapafstand van die lodge. Piekniekmandjies is ook beskikbaar mits dit vooraf gereël word. 'n Binnebraai-area is beskikbaar aan gaste.

Kry ’n Kwotasie