Bismarck Ecke Self-catering

Baie skoon en netjies.

Sentraal geleë. Die wasmasjien was 'n wenner na die woestyn.

Wat 'n heerlike, ontspanne tyd in Swakop!

Dit is altyd lekker om in Swakop vakansie te hou, maar met ons akkommodasie in Bismarck Ecke Self-catering was dit sommer nog lekkerder. Wat 'n netjiese, moderne plek! 'n Paar minute se stap na die Jetty en winkels. Die eienares, Gia, en Chantal was altyd baie hulpvaardig en vriendelik! Dit was 'n 6 uit 5 verblyf.

Dit was die netjiesste en bes geleë plek wat ons wildste verwagtings oortref het.

As eerste gebruikers van die website was ek onseker oor hoe dinge werk, maar vandat ek my bespreking gedoen het, is ek net ondersteun, telefonies en per e-pos. Hoef oor niks te wonder nie. Baie, baie dankie.

Vyfster akkommodasie.

Heerlike woonstel met 'n wasmasjien, internet en Smart TV met Netflix ens. 'n Welkome verrassing na 'n week in die Namib se stof. Dit is 'n stil area en lekker sentraal. Baie goed toegerus met alles wat jy nodig het en 'n groot toesluit motorhuis.

Heerlike plek.

Ons het baie lekker gebly. Woonstel is ruim en baie netjies. Toesluitmotorhuis is 'n bonus. Als in die woonstel wat ons nodig gehad het. Beddens het heerlik geslaap. Selfs goeie WiFi gehad.

Sal enige tyd weer daar tuis gaan.

Die woonstel is goed geleë. Netjiese, moderne woonstel. Veilige parkering. Vriendelike diens.

Baie lekker. Absolute fees.

Die diens was uitstekend. Ons het op die tippie besluit om 'n dag vroeër as bespreek Swakopmund toe te gaan en is onmiddelik gehelp en kon toe 'n dag vroeër inklok.

Silwerskoon, veilig, fantasties ingerig en heerlik ruim.

Na 'n week van stof en grondpad was dit verfrissend om 'n selfsorg-eenheid met 'n wasmasjien, internet en spasie te kon hê! Ons het veilig gevoel en ons tienermeisies het die kamer met hul eie badkamer geniet. Dit is 'n stil area en lekker sentraal. Dit was 'n heerlike pitstop om by te rus, skoon klere te kon kry en WiFi te kon gebruik om met familie en werk te kommunikeer. Net 'n paar voorstelle: Die beddegoed is silwerskoon en spierwit, maar die duvets pas nie ordentlik op die beddens nie. Gelukkig was dit nie koud nie en het ons met ekstra komberse gereis. Die handdoeke is fantastiese kwaliteit, maar effe aan die klein kant. Ons het sonder roaming en data gereis en spesifiek die woonstel vir sy WiFi gekies. Dit was effe teleurstellend dat die webtuiste versuim het om ons in te lig dat die WiFi baie beperk was en ons dit sou moes aanvul vir ons 4 dae se verblyf. Daar was slegs een DStv-kanaal beskikbaar. Dit sal goed wees om ook 'n kinderkanaal beskikbaar te hê. Baie dankie vir wonderlike verblyf! Ons was op hoogte gehou met ons bespreking en goed ingelig.

Rustig en lekker.

Baie rustig, baie mooi, baie veilig en 'n goeie ligging.

Alles was goed.

Alles was in orde, geen klagtes nie.

Alles wat jy nodig het en nog meer.

Ons het ons kuier by Bismarck Ecke terdeë geniet. Die selfsorg-eenheid het alles wat jy kan benodig en is lekker sentraal geleë - naby die strand, winkels en nog meer. Ons hoop om sommer vinnig weer te gaan. Baie dankie vir een van die lekkerste vakansies ooit!

Aangenaam.

Woonstel is goed geleë. Binne stapafstand van see en besighede, besienswaardighede. Woonstel is netjies, luuks/modern oorgedoen. Die dubbelbed het 'n baie goeie kwaliteit matras met mooi/keurige beddegoed. Die toesluit garage vir motor en alarmstelsel is 'n bate. Die reëlings waar om die sleutel vir die woonstel te kry met aankoms is vaag en behoort meer spesifiek aan voornemende gaste gekommunikeer te word.

Dit was baie lekker.

Die woonstel was baie netjies en die uitleg van die kamers en badkamers is perfek. Alles wat jy nodig het was daar,net nie braai geriewe nie. Ek sal Bismarck Ecke enige tyd aanbeveel aan almal.