Blaize & Golf

Selfsorg

Kapasiteit: 4 persone
Inkloktyd: 15:00 tot 20:00
Uitkloktyd: 09:00
Adres: Maranaterylaan 24, Mosselbaai Gholflandgoed, Mosselbaai, 6506, Wes-Kaap
Alle ouderdomme is welkom
Vanaf R1 750 per nag, vir 4 mense

Beskrywing

Blaize & Golf is 'n selfsorgwoonstel op die Mosselbaai Gholflandgoed. Dié landgoed spog met 72 putjies en 'n see-uitsig by elke afslaanpunt.

Gaste kan op die landgoed ontspan, die klubhuis besoek, 'n potjie gholf speel of die wêreld beroemde St. Blaize-roete, al langs die kus, stap. Die landgoed is enige natuurliefhebber se droom, met al die voëllewe, klein bokkies, fynbos, die natuurreservaat, die klanke van die Indiese Oseaan en die pragtige sonsondergange. Die hoë sekuriteit verskaf ook gemoedsrus.

Dié woonstel is apart van die hoofhuis en het sy eie privaat ingang en tuinarea met buitemeubels. 'n See-uitsig en ligte area skep 'n lekker atmosfeer. Die ruim woonstel het luukse afwerkings en dekor en bied slaapplek aan tot 4 gaste. Die woonstel beskik oor 2 slaapkamers, 2 en suite-badkamers en 'n oopplan-eetarea en leefarea met 'n binne- en buitebraai. Die eerste slaapkamer het 'n koningingrootte-bed, 'n Persiese mat, 'n en suite-badkamer met 'n stort, toilet en 'n wasbak, 'n spieëltafel en 'n sitarea. Die tweede slaapkamer het 2 enkelbeddens, 'n Persiese mat, kasspasie, 'n laaikas en 'n en suite-badkamer met 'n stort, toilet en 'n wasbak.

Die kombuis is met 'n tweeplaatstoof, 'n mikrogolf, ketel, yskas en 'n klein skottelgoedwasser toegerus. Die eetarea het 'n etenstafel met sitplek vir 4 en 'n binnebraai. Daar is 'n buitebraai ook. Die sitarea het 'n platskerm-TV met DStv. Vinnige 100. Vinnige WiFi word voorsien en daar is veilige parkeerplek.

Die verblyf word deur sonkrag aangedryf.

Kry ’n Kwotasie