Blue Bay Lodge & Resort

Lodge

Winteraanbod 20% af

Kry 20% af (minimum twee nagte se verblyf). Geldig vir verblyf vanaf 17 Apr 2024 tot 31 Jul 2024.

Kapasiteit: 144 persone
Inkloktyd: 14:00 tot 19:00
Uitkloktyd: 10:00
Adres: Garcillaria-singel, Blouwaterbaai, Saldanha, 7395, Wes-Kaap
Alle ouderdomme is welkom
Vanaf ~~R1 945~~ R1 556 per nag (plek vir 2)

Beskrywing

Die Blue Bay Lodge met sy elegante gewels, lê slegs 'n paar meter bo die wyduitgestrekte strande van Saldanhabaai, 'n rustige vissersdorpie aan die Weskus van Suid-Afrika, 120 km noord van Kaapstad. Die lodge, wat binne die oord geleë is, beskik oor gerieflike en ontspanne verblyf met verskeie dienste en doendinge.

"Ontspanning" is prioriteit by ons. Die Blue Bay Lodge is die ideale toevlug vir ontspanning - ver weg van die stadgedruis. Of jy nou 'n glasie wyn wil klink terwyl jy die lieflike uitsig bewonder, 'n boek sit en lees met die geruis van die see in die agtergrond of vir 'n lang stappie langs die see gaan, die Blue Bay Lodge bied iets vir almal.

Die lodge beskik oor gerieflike 3-ster-akkommodasie, en suite-kamers met breë terrasse waar drankies bedien word, terwyl gaste die walvisse en tornyne in die oseaan kan bewonder. Heerlike etes word deur ons welbekende a la carte restaurant, 'Blue Bay Café', bedien.

Die Blue Bay Lodge lê veilig langs 'n paar selfsorg-strandhuisies binne die oord. Elke huisie is gerieflik toegerus sodat gaste heerlik agteroor kan sit en ontspan. Die kothuise is ook troeteldiervriendelik en daar is 'n ekstra koste van R100 per troeteldier, so gaste kan hul honde saambring as hulle by die selfsorg-eenhede inklok.

Korporatiewe afgevaardigdes wat dikwels van ons ten volle toegeruste konferensiekamers gebruik maak, waardeer die privaatheid en rustigheid wat die lodge bied. Besighede of privaat groepe hou dikwels spanbou-byeenkomste by die Blue Bay Lodge en omliggende natuurskoon. Etes en akkommodasie binne die lodge of huisies is deel van die pakket.

Ongeag jy vir 'n rustige naweek wil wegbreek, 'n vakansie saam met jou gesin wil deurbring of 'n konferensie moet bywoon, is die Blue Bay Lodge net die plek vir jou. Neem die R27 langs die Weskus na ons toe - Blue Bay Lodge het dit alles!

Kry ’n Kwotasie