Blueberry Hills Self-catering Apartments

Selfsorg

Kapasiteit: 15 persone
Inkloktyd: 14:00 tot 19:00
Uitkloktyd: 10:00
Adres: Blueberry-rylaan 11, Blueberry Hill, St Helenabaai, 7290, Wes-Kaap
Alle ouderdomme is welkom
Vanaf R700 per nag (plek vir 2)

Beskrywing

Blueberry Hills Self-catering Apartments is in St. Helenabaai geleë, 'n bekoorlike kusdorp aan die Kaapse Weskus. Die huis is naby die gewilde Golden Mile-strand, Shelly Point en die hawe.

Verblyf is beskikbaar in 3 selfsorgeenhede en die hoofhuis.

Elke eenheid het 'n 'n dubbelbed en 'n en suite-badkamer met 'n stort. Die kombuisies is goed toegerus om aan gaste se basiese selfsorgbehoeftes te voldoen. Ander geriewe sluit 'n TV met DStv, asook WiFi in.

Die hoofhuis beskik oor 3 slaapkamers, 2 volledige badkamers, 'n groot oopplan-kombuis, aparte opwaskamer en 'n leefarea met 'n slaapbank en 'n enkelbed. Die leefarea en slaapkamers het skuifdeure wat na die dek lei, wat reg rondom die huis strek en met 'n 260°-uitsig op die berg en oor die see spog. Daar is ook ingeboude braaigeriewe en 'n gasbraai op die dek.

Daar is 'n gemeenskaplike tuin met 'n veranda en veilige parkeerplek is op die perseel beskikbaar.

Doendinge in St. Helenabaai sluit swem, hengel, walviskyk, snorkel, duik en gholf-speel in.

Kry ’n Kwotasie