Bos-Geluk Huis

Selfsorg

Gratis kansellasie tot 1 week voor jou verblyf!
Kapasiteit: 20 persone
Inkloktyd: 14:00 tot 23:00
Uitkloktyd: 09:00
Adres: Maroelastraat 585, Marlothpark, 1321, Mpumalanga
Alle ouderdomme is welkom
Vanaf R690 per nag (plek vir 6)

Beskrywing

Bos-Geluk Huis is sentraal in Marlothpark geleë en bied gehalte-verblyf aan 'n gesin of 'n groep vriende. Dis maklik bereikbaar vanaf die N4 en naby verskeie doendinge, besienswaardighede en geriewe.

Verblyf is beskikbaar in 2 selfsorghuise. Bos-Geluk is geskik vir tot 14 gaste en Bosaapie is ideaal 6 gaste wat verkieslik ouers met kinders is. Neem asb. kennis dat Bosaapie 'n klein eenheid is. Die kombuis is net groot genoeg vir 1 volwassene. Gehalte-matrasse, kussings en linne word voorsien en elke kamer het 'n waaier vir die warm somersdae. Elke huis het ook 'n kombuis wat volledig toegerus is, 'n sitarea met genoeg sitplek, lugversorging, 'n TV met sekere DStv-kanale, gratis WiFi en 'n stoep met braaigeriewe.

Die perseel het 'n omsetter en die perseel word nie deur beurtkrag beïnvloed nie.

Die park het verskeie geriewe soos 'n gemeenskaplike swembad en 'n restaurant aan die oewer van die Krokodilrivier waar gaste 'n skemerkelkie kan geniet terwyl hulle na die diere wat kom water drink kyk.

Gaste kan sebras, bosvarke en ander wild gedurende hul verblyf besigtig. Daar is ook nagapies by die voerpunte in die aande.

Bos-Geluk Huis is sowat 100 m vanaf die grens van die Krugerwildtuin wat deur die Krokodilrivier geskei word.

Nag- en dagritte is teen bekostigbare tariewe in die park en die Krugerwildtuin beskikbaar.

Mosambiek se grens is sowat 31 km weg en Swaziland se grens is 77 km weg. Gaste kan ook die Panoramaroete by Hazyview wat 148 km weg is besoek, en dit sluit God's Window, Bourke's Luck-kolkgate by die Blyderivierspoort en Mac Mac met pragtige uitsigte in. Gaste kan ook die wilde perde by Kaapsche Hoop anderkant Mbombela (Nelspruit) besigtig.

Bos-Geluk Huis se lugversorgers werk met koopkrag. Die eienaar laai slegs 30 eenhede op, en die gas sorg vir die res sodat die lugversorgers kan werk.

Kry ’n Kwotasie