Breakaway Apartment

Selfsorg

Spesiale Aanbod 10% af

Kry 10% af. Geldig vir verblyf vanaf 7 Apr 2024 tot 9 Mei 2024.

Gratis kansellasie tot 1 week voor jou verblyf!
Kapasiteit: 5 persone
Inkloktyd: 14:00 tot 20:00
Uitkloktyd: 10:00
Adres: Tweedelaan 24, Yzerfontein, 7351, Wes-Kaap
Geen kinders onder 12
Vanaf ~~R850~~ R765 per nag (plek vir 2)

Beskrywing

Breakaway Apartment is naby Yzerfontein se gewilde hoofstrand en die dorp se restaurante. Dié kusdorpie is aan die Kaapse Weskus en besienswaardighede in die omgewing sluit die Postberg Natuurreservaat, Yzerfontein se hoofswemstrand, Buffelsfontein Wild- en Natuurreservaat en Dasseneiland in.

Verblyf word in die selfsorgwoonstel op die boonste verdieping van die eienaar se huis en in die oornagkamer op die grondverdieping van die huis aangebied.

Die ruim eenslaapkamerwoonstel het 'n privaat ingang en bied slaapplek aan 3 gaste. Die slaapkamer het 'n gedeeltelike see-uitsig, 'n koningingrootte-bed en 'n en suite-badkamer met 'n stort. Daar is ook 'n driekwartbed en 'n slaapbank in die leefarea. Die oopplan-kombuis is met 'n yskas-vrieskas, stoof, mikrogolfoond, ketel en 'n broodrooster toegerus. Koffie, tee, suiker en melk word met aankoms voorsien. Daar is ook 'n braai-area op die balkon, gratis WiFi, DStv en veilige parkeerplek op die perseel.

Die oornagkamer is aan die kant van die eienaar se huis en het 'n privaat ingang. Dis geskik vir 2 gaste en het 'n dubbelbed en 'n en suite-badkamer met 'n stort. Die kombuisie is met 'n yskassie, mikrogolfoond, ketel, eetgerei en breekware toegerus. Die kamer het 'n TV met DStv, gratis WiFi en toegang tot buitebraaigeriewe.

Kry ’n Kwotasie