Breathe Inn

Selfsorg

Kapasiteit: 14 persone
Inkloktyd: 14:00 tot 19:00
Uitkloktyd: 10:00
Adres: Jasus La Lande-straat 1658, Lambertsbaai, 8130, Wes-Kaap
Alle ouderdomme is welkom
Vanaf R900 per nag, vir 2 mense

Beskrywing

Breathe Inn is naby die strand Malkopbaai in Lambertsbaai aan die Weskus geleë. Die eiendom bied 'n ononderbroke uitsig oor die see en is net 100 m van 'n getypoel af.

Daar is 4 selfsorg-eenhede. 2 van die eenhede het 2 slaapkamers en die ander 2 het slegs 1 slaapkamer. Let asb. daarop dat elke kamer 'n en-suite badkamer het, en dis meer geskik vir gaste met kinders wat op die slaapbanke kan slaap. Elke eenheid het 'n oopplan-leefarea, braaigeriewe, parkeerplek, 'n TV met DStv en WiFi. Die kombuise is toegerus met 'n oond, stoof, yskas-vrieskas, mikrogolf, breekware en eetgerei.

Die verblyf het 'n sonkragstelse om beurtkrag te verlig.

Lambertsbaai is een van die top seekos-bestemmings en vars vangste word daagliks ingebring. Muisbosskerm en Bosduifklip is heerlike opelug-restaurante met van die lekkerste seekos in die kontrei.

Daar is talle doendinge in die omgewing, soos sandplankry op die duine, vierwielmotorfietsry, mikrovliegtuigvlugte oor die baai en watersport soos swem, lyfplankry en branderplankry. Gaste kan ook die Boegoeberg 4x4-roete aanpak, op Elandsbaai se strand ontspan of die Kreeffees in Maart bywoon.

Kry ’n Kwotasie