Buffelshoek Dirosie Lodge

Wildsplaas

Kapasiteit: 70 persone
Inkloktyd: 14:00 tot 18:00
Uitkloktyd: 10:00
Adres: R337, Halesowen, Cradock, 5880, Oos-Kaap
Alle ouderdomme is welkom
Vanaf R1 000 per nag, vir 2 mense

Beskrywing

Buffelshoek is 'n plaas met unieke wild en 'n interessante geskiedenis, perfek geleë net 20 km buite Nxuba (Cradock), ver genoeg vir gaste om afgeleë privaatheid te geniet en naby genoeg om vinnig dorp toe te ry. Die plaas is omring deur 'n bergreeks wat deel vorm van die Nasionale Bergkwaggapark noordwes van die Buffelshoek Plaas.

Verblyf word in verskeie kamers en eenhede gebied. Die eenhede is elk smaakvol versier en het óf 'n koningingrootte-bed, 'n dubbelbed en óf enkelbeddens. Meeste van die eenhede het WiFi.

Die hooflodge, wat die oorspronklike plaashuis is, beskik oor 6 kamers met voëlname. Die kamer het elk 'n privaat badkamer en deel 'n gemeenskaplike sitarea wat 'n kaggel het. Die Springbok-eenhede is 3 aparte kamers wat elk 'n stoep en buitebraai het en vorm deel van 1 gebou. Die groot Wildkamp beskik oor 6 kamers met dubbelbeddens en enkelbeddens.

Daar is 6 vrystaande gesin-eenhede. Die eenhede het elk 2 slaapkamers, 'n kombuisie, 'n en suite-badkamer, 'n TV met sekere DStv-kanale, lugversorging en 'n binne- en buitebraai. Elke eenheid spog met 'n unieke uitsig oor die plaas en op die berge.

Buffelshoek maak voorsiening vir oornag-reisigers wat op soek is na verblyf in Nxuba (Cradock), sakereisigers wat 'n konferensie beplan, wild-entoesiaste wat die natuur geniet, en bruide wat hul troues tussen die pragtige berge wil vier. Die plaas het ook 'n interessante en unieke geskiedenis wat deur historici plaaslik en internasionaal bestudeer word.

Die trou-venues sluit die kapel, tuin, kombuis en spysenier-geriewe in. Wildritte in die omgewing is beskikbaar en 'n besoek aan die Olive Schreiner-graf kan gereël word.

Kry ’n Kwotasie