Caledon Lê Plekkie

Gastehuis

Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: Joubertstraat 25, Caledon, 7230, Wes-Kaap
Alle ouderdomme is welkom
Vanaf R750 per nag, vir 2 mense

Beskrywing

Caledon Lê Plekkie is 'n gerieflike tuinwoonstel/gastekamer apart van die woonhuis en heeltemal privaat met 'n lekker kuierstoep wat uitkyk oor 'n klein tuintjie. Daar is 'n koffie- en teemaakgeriewe en beskuit in die kamer. Die badkamer is apart van die kamer en daar word vars handdoeke voorsien.

Die woonstel is ook deel van 'n oopplan-selfsorgeenheid wat ingerig is met met 2 enkelbeddens (wat ook as 'n koninggrootte-bed opgemaak kan word op aanvraag). Verder is daar 'n yskas, mikrogolfoond, induksiestofie, potte, ’n pan en DStv. Indien gaste dit so bespreek, deel die persone die badkamer met die gastekamer se gaste.

Daar is ook binne- en buitebraaigeriewe. Jy hoef slegs jou eie hout, vuuraanstekers en dit wat jy wil braai saam te bring.

Die woonstel kan op sy eie bespreek word, of die hele eenheid kan as selfsorg bespreek word. Vra dit net so aan met bespreking.

Daar is onderdakparkeerplek in die agterplaas, veilig agter 'n elektroniese hek.

Daar is ook 2 slaapkamers in die huis beskikbaar wat elk ’n badkamer het. Die kamers word met bespreking afgesluit van die res van die woonhuis en daarom is gaste heeltemal privaat met toegang tot 'n leefarea met 'n TV. Die eenhede het verhit- en eetgeriewe wat 'n yskas en mikrogolf insluit. Gaste kan ook van die buite braaigeriewe gebruik maak indien dit vooraf met die eienaar gereël word.

Kry ’n Kwotasie