+27

Casa Benri

5 resensies

Selfsorg

Kapasiteit: 8 persone
Inkloktyd: 14:00 tot 17:00
Uitkloktyd: 11:00
Adres: Cycad A 1, Mtunzini, 3867, KwaZulu-Natal
Alle ouderdomme is welkom
Vanaf R900 per nag, vir 2 mense

Beskrywing

Casa Benri is in Mtunzini, 'n dorpie aan die Noordkus van KwaZulu-Natal, geleë. Dié selfsorg-eenhede is ideaal vir klein gesinne of paartjies op soek na 'n rustige en afgeleë wegbreek.

Dié selfsorg-eenhede is op die grondverdieping en beskik oor 2 slaapkamers per eenheid. Een kamer bevat 'n koningingrootte-bed en die ander kamer het 2 enkelbeddens. Die eenhede het oopplan-kombuise wat volledig toegerus is met 'n gasstoof, yskas-vrieskas, eetgerei, breekware en toebehore. Die leefareas lei na beskutte stoepe. Eenheid 1 is toegerus met lugreeling. Beddegoed, linne en handdoeke is op versoek beskikbaar teen ekstra koste.

Die eenhede is omhein en het 'n privaat stoeparea en braaigeriewe. Onderdakparkeerplek is beskikbaar.

Casa Benri is uniek en privaat in 'n pragtige, natuurlike ligging, is binne stapafstand vanaf die dorp, met maklike toegang tot woud-staproetes, fietsry, strande, die Raphia Palm Monument, en 'n unieke, uitdagende gholfbaan. Casa Benri is ryk in voël- en dierelewe.

Mtunzini is bekend vir die Umlalazi Natuurreservaat met sy pragtige strandmeer, asemrowende duine en eindelose strande, en word beskou as 'n vissersparadys. Mtunzini is 'n geproklameerde natuurbewarea en is naby die Hluhluwe–Imfolozi-wildtuin, Cape Vidal, St. Lucia, die historiese Eshowe, asook Richardsbaai, Durban, Ballito, en Gateway (wat ideaal is vir inkopies). King Shaka Internasionale Lughawe is ongeveer 100 km vanaf Mtunzini.

Kry ’n Kwotasie