Casa Nova

Selfsorg

Langtermynverblyf-aanbod 10% af

Kry 10% af vir verblyf wat 7 nagte of langer is. Hierdie aanbod is altyd geldig.

Gratis kansellasie tot 1 week voor jou verblyf!
Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: Gleniquarylaan 32, Glentana, Groot-Brakrivier, 6525, Wes-Kaap
Alle ouderdomme is welkom
Vanaf ~~R1 300~~ R1 170 per nag (plek vir 4)

Beskrywing

Casa Nova beskik oor 2 woonstelle in die vakansiedorp, Glentana, op die Tuinroete. Daar is 'n paadjie na Glentana se strand net 100 m van die woonstelle af.

Woonstel 1 bied slaapplek aan tot 4 gaste en beskik oor 2 slaapkamers, 1 badkamer en 'n oopplan-kombuis, -eetarea en -leefarea. Die eerste slaapkamer het 'n koningingrootte-bed en die tweede slaapkamer het 2 enkelbeddens. Daar is 'n stort, toilet en 'n wasbak in die badkamer.

Die kombuis is met 'n yskas-vrieskas, stoof, oond, mikrogolf en 'n ketel toegerus en daar is 'n toonbank met stoele. Die eetarea het 'n etenstafel met 4 stoele. Die sitarea het oorgenoeg sitplek en 'n TV met 'n DStv-koppelpunt sou gaste hul eie dekodeerder en slimkaart wou saambring. Die eenheid het onbeperkte en vinnige WiFi. Daar is 'n deur na die balkon met 'n etenstafel en stoele.

Die Ateljee het 'n koningingrootte-bed en 'n badkamer met 'n stort, wasbak en 'n toilet. Die kombuisie is met 'n yskassie, mikrogolfoond, lugbraaier en 'n ketel toegerus. Gaste het toegang tot 'n lieflike braai-area in die tuin. Ander geriewe in die kamer sluit 'n muurverwarmer, 'n elektriese kombers en 'n plafonwaaier in.

Gaste het toegang tot braaigeriewe en 'n buitestort waar hulle 'n dag op die strand kan afspoel. Parkeerplek is beskikbaar op die perseel.

Die eenhede kan saam verhuur word teen 'n beter tarief as die som van die twee eenhede.

Casa Nova is naby van die beste rots- en branderplankhengelplekke in die Suid-Kaap. Dit is ook naby Groot-Brakrivier, 30 minute van George se middedorp en 15 minute van George se lughawe af.

Kry ’n Kwotasie