Casa Ruscello

Selfsorg

Kapasiteit: 8 persone
Inkloktyd: 13:00 tot 19:00
Uitkloktyd: 11:00
Adres: Urania-straat 21, Calypso-strand, Langebaan, 7357, Wes-Kaap
Geen kinders onder 5
Vanaf R4 900 per nag (plek vir 8)

Beskrywing

Casa Ruscello is 'n moderne selfsorghuis in Calypso-strand, Langebaan. Die huis se ontwerp spreek van 'n Toskaanse invloed en dit bied gerieflike slaapplek vir 8 mense.

Casa Ruscello het 4 ruim slaapkamers. Die hoofslaapkamer is op die boonste vloer en het 'n koningingrootte-bed, 'n en suite-badkamer met 'n spa-bad, en toegang tot die balkon. Die ander 3 slaapkamers is op die grondvloer. Slaapkamer 2 het 'n koningingrootte-bed en 'n en suite-badkamer met 'n bad en 'n stort. Slaapkamer 3 het 2 enkelbeddens en 'n en suite-badkamer met 'n stort. Slaapkamer 4 het ook 2 enkelbeddens, 'n gaste-toilet, en gerieflike toegang tot 'n buitestort.

Die moderne kombuis en opwaskamer is met 'n stoof, oond, skottelgoedwasser, dubbeldeur-yskas-vrieskas, vullisverwyderaar, koffiemasjien en mikrogolfoond toegerus. Daar is ook 'n eetarea en 'n ruim sitarea met gemaklike sitplek en 'n platskerm-TV (55'') met die volledige DStv-pakket.

Bo is daar 'n kuier-area met 'n gaste-toilet, kroeg, platskerm-TV, ingeboude braaiplek, en 'n ruim balkon met sonstoele en 'n sambreel. Gaste kan die pragtige sonsondergange van die balkon af geniet.

Die huis het 'n omsetter vir beurtkrag.

Casa Ruscello is net 2 minute se stap van die bekende Calypso-strand af en 'n klein entjie se ry vanaf die restaurante, winkels en Lagoon-stran. Dit is ideaal vir 'n spoggerige gesinsvakansie.

Kry ’n Kwotasie