+26

Cedar Point 5E

Selfsorg

Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: Bear Creek Boulevard, Pearl Valley Gholflandgoed, Paarl, 7646, Wes-Kaap
Alle ouderdomme is welkom
Vanaf R3 500 per nag (plek vir 6)

Beskrywing

Cedar Point 5E is 'n selfsorghuis met 'n uitsig oor die dam in die Pearl Valley Gholflandgoed in die Paarl. Die dorp is bekend vir sy plattelandse skoonheid, goeie wyn, unieke koffiewinkels, argitektuur en vrugteboorde. Die landgoed is sentraal naby Franschhoek en Stellenbosch in die Boland geleë.

Dié stylvolle huis het 3 slaapkamers met lugversorging en bied slaapplek vir 6 gaste. Elke kamer het 2 enkelbeddens wat op versoek in koninggrootte-beddens omskep kan word. Elke kamer het 'n en suite-badkamer met 'n bad en stort, of net 'n stort.

Die kombuis is met 'n yskas-vrieskas, stoof, oond, mikrogolf en 'n skottelgoedwasser toegerus. Daar is 'n toonbank met stoele.

Die leefarea het 'n kaggel wat met gas werk, 'n TV met DStv, gemaklike banke en 'n etenstafel vir 8. Die leefarea lei na 'n privaat stoep met ingeboude gasbraaigeriewe.

Veilige parkeerplek is op die perseel beskikbaar.

Kry ’n Kwotasie