Cheetau Lodge

Lodge

Kapasiteit: 15 persone
Inkloktyd: 14:00 tot 19:00
Uitkloktyd: 10:00
Adres: Cheetau Lodge, Plaas xf (a) 1503, Bethlehem, 9700, Vrystaat
Alle ouderdomme is welkom
Vanaf R1 700 per nag, vir 2 mense

Beskrywing

Om ware rus en vrede in vandag se gejaagde lewe te vind is 'n luukse wat net sommiges kan bekostig ... By Cheetau Lodge maak ons nie net seker dat gaste heerlik uitrus en ontspan nie, maar verseker ons ook dat wanneer jy vertrek, jy uitgerus en vernuwe voel.

Ons bied 4-ster-akkommodasie in pragtige eenhede met volledige dienste, wat uitkyk oor die lieflike landskappe van Bethlehem, asook die unieke katspesies. Hetsy jy hier is vir 'n lang kuier, 'n funksie 'n paar dae lank, of dalk kom kuier jy net om by ons heerlike restaurant te kom smul aan ons kos, jy sal bederf word deur pragtige uitsigte, die mooie sonsondergang en die brul van 'n leeu in die agtergrond.

Laat die asemrowendheid van die uitsig jou betower terwyl jy 'n drankie geniet op die dek, of by jou kamer. Ons het 7 kamers wat elk vernoem is na 'n wilde dier. Elke kamer is luuks gemeubileerd om te verseker gaste kan heerlik kom ontspan in die kamer na 'n dag propvol lekker doendinge op die perseel, of in die omgewing.

Die eenhede is geleë tussen die hok-kampe waarin die wilde katte tuisgaan. Daar is 'n yskas, ketel, elektriese komberse, verwarmer en DStv met sekere kanale in al die kamers.

Cheetau Lodge is ook 'n pragtige venue vir 'n droom troue.

Die restaurant se spyskaart is 'n propvol smullekker keuses waarvan gaste kan kies, en op Sondae kan jy ons ongelooflike buffet-ete geniet. Maaltye kan geniet word terwyl jy oor die berge van die pragtige Oostelike Vrystaat tuur.

Die restaurant is oop vir die publiek van 12:00 - 20:00, Dinsdag tot Saterdag, en op Sondae word die buffet van 12:00 bedien. Die kroeg is ten volle gelisensieerd en gaste kan heerlike drankies hier bestel.

Ons sal enige funksie graag akkommodeer, van troues, intieme kuiers of dalk 'n groot funksie. Ons sal ook help met die beplanning van die funksie of troue om te verseker alles verloop glad.

Ons kan tot 60 persone akkommodeer en ons vriendelike personeel en kombuis sal seker maak jou gaste bly gelukkig.

Breek weg van die alledaagse gejaag en kom ontspan by ons. Die wilde diere, pragtige uitsigte en kulturele geskiedenis van die area sal jou betower.