Charis to Theo

Selfsorg

Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: Orpheusstraat 31, Langebaan, 7357, Wes-Kaap
Alle ouderdomme is welkom
Vanaf R2 090 per nag (plek vir 6)

Beskrywing

Charis to Theo is 'n goed toegeruste drieverdiepinghuis in Paradise Beach, 'n privaat woongebied in Langebaan aan die Weskus, net 100 km van Kaapstad af. Die huis het asemrowende uitsigte oor Langebaan se strandmeer en Saldanhabaai, en is net 5 minute se stap van die wit strande en die turkooisblou water af.

Die huis het 3 slaapkamers wat gerieflik gemeubileer is. Die hoofslaapkamer het 'n dubbelbed, TV en 'n en suite-badkamer, die tweede slaapkamer het 'n koningingrootte-bed en die derde slaapkamer het 2 enkelbeddens. Die kombuis is volledig toegerus met 'n stoof, oond, vrieskas-yskas, mikrogolf en ketel, en lei na die oopplan-sitkamer en -eetarea. Daar is 'n platskerm-TV met DStv in die sitkamer en skuifdeure wat lei na die ruim balkon met sy pragtige see-uitsigte, braai-area, tafel en stoele.

Vakansiegangers kan vlieërbranderry, seilplankry, kajakvaarte en hengel geniet. Langebaan het 'n matige klimaat met verfrissende lug en lang, sonnige dae. In die winter is dit nie te koud nie en die lang somerdae is nooit ondraaglik warm nie. Die Weskus Nasionale Park is 'n besoek werd, hier kan jy die verskeidenheid plante en diere van hierdie unieke ekosisteem sien. Die Weskus Fossielpark is nóg 'n interessante plek, hier leer jy meer oor die ekologiese geskiedenis van Langebaan.

Kry ’n Kwotasie