Clarens Valley Lodge

Selfsorg

Kapasiteit: 9 persone
Inkloktyd: 14:00 tot 19:00
Uitkloktyd: 10:00
Adres: Swartstraat, Clarens, 9707, Vrystaat
Alle ouderdomme is welkom
Vanaf R3 600 per nag, vir 9 mense

Beskrywing

Clarens Valley Lodge is in die lieflike Clarens geleë en bied gemaklike selfsorg-akkommodasie in 'n dubbelverdiepinghuis wat ideaal is vir gesinne.

Die huis bied slaapplek vir tot 9 gaste en dit beskik oor 3 slaapkamers, 3 badkamers en 'n oopplan-kombuis, -eetkamer en -sitkamer. Die ruim hoofslaapkamer is op die onderste vloer en het 'n en suite-badkamer met 'n stort en bad. Die hoofslaapkamer het ook 'n slaapbank wat geskik is vir kinders. Die tweede slaapkamer is ook onder geleë en beskik oor 'n dubbelbed met 'n elektriese kombers. Die derde slaapkamer is 'n gesinskamer wat bo geleë is en oor 5 enkelbeddens beskik. Daar is 'n tweede badkamer met 'n stort en toilet, sowel as 'n aparte toilet.

Die oopplan-kombuis en -eetkamer het 'n groot eetkamertafel. Die opwaskamer het 'n yskas-vrieskas, 'n wasmasjien, skottelgoedwasser en 'n wasbak. Daar is ook 'n wasbak in die kombuis. Die kombuis is toegerus met 'n stoof, oond, eetgerei, 'n mikrogolfoond, broodrooster en 'n ketel. Die ruim sitkamer beskik oor 'n kaggel en die vertrek lei deur 'n glasdeur na 'n patio met lieflike uitsigte. Daar is ook 'n buite-leefarea. Die patio het 'n draagbare braai, 'n tafel en stoele. Daar is ook 'n sitkamer bo met 'n TV met plaaslike kanale. Gaste wat DStv wil kyk moet asseblief onthou om hul eie dekodeerders en slimkaarte saam te bring.

Gaste het toegang tot 'n omheinde tuin met pragtige uitsigte oor die omliggende berge. Onderdakparkeerplek is beskikbaar vir 2 voertuie langs die huis en daar is 'n veiligheidshek. Die huis is troeteldiervriendelik, maar die eienaars versoek asseblief dat diere nie op die meubels of beddens toegelaat word nie en dat gaste agter hul troeteldiere sal skoonmaak.

Die huis is lekker naby Clarens se middedorp met al sy restaurant, winkels en kunsgalerye.

Kry ’n Kwotasie