Constantia Villa

Constantia Villa skuil in die hartjie van die Constantiavallei, in Kaapstad se mees gesogte, boomryke voorstad. Dit is loopafstand van Constantia Uitsig af en word omring deur die berge van die Skiereiland. Verblyf word gebied in 'n onberispelike, sonnige drieslaapkamerhuis en 'n aparte kothuis. Daar is ook 'n swembad in die groot, pragtige tuin (1500 m²). Constantia Villa spog met luukse afwerkings en perkallinne en is ook pragtig gemeubileer.

Die villa is 'n hawe van privaatheid en sekuriteit wat uitsluitlik verhuur word aan 1 groep van tot 8 gaste op 'n slag. Hierdie luukse huis weg van die huis af dien as 'n gerieflike en sentra…

Sien meer

Constantia Villa skuil in die hartjie van die Constantiavallei, in Kaapstad se mees gesogte, boomryke voorstad. Dit is loopafstand van Constantia Uitsig af en word omring deur die berge van die Skiereiland. Verblyf word gebied in 'n onberispelike, sonnige drieslaapkamerhuis en 'n aparte kothuis. Daar is ook 'n swembad in die groot, pragtige tuin (1500 m²). Constantia Villa spog met luukse afwerkings en perkallinne en is ook pragtig gemeubileer.

Die villa is 'n hawe van privaatheid en sekuriteit wat uitsluitlik verhuur word aan 1 groep van tot 8 gaste op 'n slag. Hierdie luukse huis weg van die huis af dien as 'n gerieflike en sentrale basis vir die verkenning van Kaapstad.

Die hoofhuis beskik oor 3 slaapkamers en 3 badkamers.
Die eerste en tweede slaapkamer is ingerig met 'n koningingrootte-bed en die derde kamer het 2 enkelbeddens. Die hoofhuis het 'n studeerkamer met gratis WiFi, 'n sitarea met DStv, DVD-speler, bordspeletjies en 'n biblioteek. Die kombuis is ingerig met 'n stoof, oond, mikrogolfoond, skottelgoedwasser, yskas-vrieskas en 'n ontbythoekie. Braaigeriewe is beskikbaar by die onderdak patio.

Die aparte kothuis vorm deel van die villa en beskik oor een slaapkamer met 2 enkelbeddens. Die eenheid het 'n sitarea met DStv en 'n biblioteek, asook 'n eetarea wat na 'n patio met braaigeriewe lei. Die kombuis is ingerig met 'n gasstoof, mikrogolfoond en 'n yskas-vrieskas.

Die perseel het 'n groot, sprankelende swembad met 'n net sodat kinders veilig kan speel. Wasgoedgeriewe is beskikbaar op versoek. Die pragtige, omheinde tuin is vol blomme en daar is 'n grasperk. Constantia Villa het 'n uitstekende elektriese heining, 'n volledige alarmstelsel, gewapende reaksie, 'n geoutomatiseerde hek, interkom en veilige parkeerplek vir 5 motors.