Cycasia Lodge

Lodge

Langtermynverblyf-aanbod 10% af

Kry 10% af vir verblyf wat 5 nagte of langer is. Geldig vir verblyf vanaf 19 Feb 2024 tot 30 Apr 2024.

Kapasiteit: 25 mense
Inkloktyd: 13:00 tot 17:00
Uitkloktyd: 10:00
Adres: Langs P71 St Elmos, Umzumbe, Anerley, 4236, KwaZulu-Natal
Alle ouderdomme is welkom
Vanaf ~~R600~~ R540 per nag, vir 2 mense

Beskrywing

Cycasia Lodge is 'n groot dubbelverdiepinghuis wat selfsorgverblyf in Umzumbe bied. Die perseel van amper 3 ha bestaan uit tropiese tuine en bos, en is net 1 km van Umzumbe se Blouvlagstrand af. Cycasia Lodge is sowat 7 km vanaf Hibberdene en 17 km vanaf Port Shepstone geleë.

Die huis kan verdeel word in 3 eenhede: 'n hoofslaapkamer vir 2 gaste, 'n hoofhuis vir 6 gaste, en 'n woonstel op die boonste verdieping vir 4 gaste. Elke eenheid het sy eie kombuisgeriewe. Al 3 hierdie eenhede het saam slaapplek vir 14 gaste - 10 volwassenes en 4 kinders.

Verder is daar ook 4 aangrensende tuineenhede wat elkeen slaapplek vir 2 gaste het. Die eenhede het elkeen hul eie kombuisie, maar deel 'n stoep. ’n Addisionele bed vir 1 kind of volwassene kan by Eenheid 1 en 4 gevoeg word.

Die woonstel bo die huis het see-uitsigte oor die boomtoppe in die verte en die huis, woonstel en wittebroodsuite het 'n groot kuier- en swembadarea. Daar is ook 'n dieptuin vir funksies of troues. Die verblyf is ideaal vir ’n groot familie-groep wat saam wil vakansie hou, maar ook hul eie privaatheid wil hê. Gratis WiFi is beskikbaar.

Kry ’n Kwotasie