Damsedrif Gasteplaas

Die perfekte oorslaap in Baviaans.

Alles is pragtig, skoon en netjies, en die kombuis in die verblyf is ten volle toegerus met alles wat nodig is. Die gasvrou was baie vriendelik en behulpsaam, en het goeie advies gegee oor aktiwiteite in die omgewing. Ons het heerlik gekuier om die braaivleisvuur in die stil en rustige omgewing.

Ruim plaashuis verblyf in die hart van die Baviaans.

Definitief die moeite werd, heerlike verblyf in die Baviaans veral met kinders. Rune en Hestelle is baie gasvry en het ons hartlik ontvang.

Groot ruim huis, netjies.

4 pensioenarisse het heerlik hier gebly.

Hier kan jy verken of net lekker ontspan.

So lekker plaas atmosfeer en lekker afgelee waar niemand mens kan pla nie. Die kloof oorkant die pad is baie mooi.

Fantastiese omgewing!

Baie lekker met niks tekort in huis.

Bekostigbare verblyf weg van stad se geraas.

Baie vriendelik ontvang. Het Baviaanskloof deur gery, en die lekker oornagplek geniet. Na 'n lang reis, was ons die groot alleenstaande plaashuis aangebied met 'n gesellige vuurtjie en stilte.

Stilte, rus en vrede.

Ons bespreking was vir die Boklied en Volstruisie eenheid, maar die eienaars het die groot ou plaashuis tot ons beskikking gestel wat 'n groot verrassing was. Ons is baie vriendelik ontvang, het baie welkom gevoel en was selfs toegelaat om voor die tyd in te boek. Daar is drie slaapkamers, twee badkamers, 'n vreeslike groot goed ingerigte kombuis, sitkamer en 'n fantastiese massiewe stoep. Dit was baie lekker en gerieflik en ons kon weer die gevoel kry van die plaaslewe, wat die kersie op die koek was. Die huis was netjies, gerieflik en baie gemaklik en die braaigeriewe was ook baie lekker. Ons het dit vreeslik geniet om op die stoep te kuier en net die stilte en natuurskoon te kon inneem. Baie lekker gekuier en geslaap en was heeltemal uitgerus vir ons toer deur die natuurreservaat.

Uitmuntende gasvryheid.

Ons het nie vooraf gereël vir aandete nie, maar daar is plan gemaak en ons het die heerlikste braaivleis gehad vir aandete.

Heerlike kuier in Baviaanskloof.

Wonderlike kuier, die gasvrou het baie ekstra moeite gedoen om my kinders te akkommodeer. Veilig en stil. Skoon en netjies.

Ons het vinnige oorslaap geniet op 'n rit deur Baviaanskloof.

Die ruim huis het in al ons behoeftes voorsien.

Salige rustigheid.

Baie gerieflike huis met heerlike groot kuierstoep. Pragtige kloofstap. Hestelle en haar dogter het tot ekstra moeite gedoen en vir ons nagereg gebring vir een van ons se verjaarsdag!

Baie lekker gebly in die huis met plonspoel.

Huis is privaat met 5 slaapkamers en genoeg geriewe teen 'n billike prys per persoon, dus goeie waarde vir geld. Die varswaterplonspoel was 'n redding op 'n uitermatige warm dag in die Kloof. Sal graag weer daar bly.

In die hartjie van die Baviaanskloof - baie rustig met baie spasie.

Ons het in 'n heerlike groot plaashuis gebly, met 'n klein swembad by. Ons kon lekker ver stap op die plaas en die area geniet. Dit was ook 'n groot pluspunt dat ons 'n heining om die huis gehad het om ons honde afgesonder te hou van die plaasbedrywighede. Vriendelike diens. Baie dankie.

Interessante klowe.

Naby aan die natuur. Mooi staproetes en unieke plantegroei. Die kloof oorkant Damsedrif Gasteplaas is uitstekende demonstrasie van die evolusie van die aarde.

Baie lekker.

Mooi en stil omgewing.

Very neat and comfortable. Especially appreciated the hot water bottles.

Would recommend with pleasure.

Baie lekker gekuier. Lekker groot huis. Water was heerlik warm en lekker warm geslaap. Genoeg van alles in huis vir die aantal mense.

Baie mooi area waar Damsedrif geleë is. Stil en rustig.

Lekker ruim.

'n Heerlike ou plaashuis met al die nodige geriewe. Ons het heerlik voëls gekyk en 'n hele aantal nuwe gesien.

No real issues, a good place, pity about the bad gravel road!

Bloody bad road.

Exceptional value for money.

It'll be hard to do better in the Baviaanskloof.

Uitstekend.

Antieke styl en die vernuwing komplementeer mekaar. Daarom is 5 ster te min. Absoluut uitstaande!

Was fabulous

The people are very nice.

Heerlike kuier in pragtige Baviaanskloof.

Johnny se huis is regtig skoon en netjies. Hestelle en haar oulike dogter, Kara, is 'n puik advertensie vir die Kloof. Baie hulpvaardig en deel graag inligting. Dankie julle! Neem kennis: Die pad na Damsedrif en verder deur die Kloof is regtig bedoel vir 4x4 voertuie.

Die gasvryheid van die mense van die kloof, prysloos!

Wonderlike oornagplekkie in die hart van die kloof. Aangename verblyf en mense wat voel of jy hulle al jare lank ken. Sal vir seker weer by hulle bespreek!

An awesome farm stay at the western end of the Baviaanskloof.

Thanks for a wonderful stay in a home away from home in beautiful surrounds and a lovely antique farmhouse! All the small simple things thought of and was thoroughly enjoyed! Especially the clean spaces, full moon, hot water bottles and playmate Wagter for our only child! See you again soon!

Lekker gebly, vriendelik ontvang en geselsie aangeknoop.

Rustig in die natuur en omring deur die natuurlike plantegroei - die reëndruppels op die blare skep 'n wonderlike atmosfeer.

Uitstaande gasvryheid en fantastiese plaas-etes.

'n Uitstekende plaasverblyf in goed ingerigte plaashuis. Beide aandete en ontbyt was uit boonste rakke.

Heerlike kuier saam met wonderlike vriende.

Wonderlike stilte, geen fone wat pla nie en veilig!

Plaaskuier.

Ons het in Boklied gebly. Netjies, mooi en skoon. Ons is gasvry ontvang.

Rustigheid.

Ons het 2 nagte gebly. Johnnie se huis is heerlik groot en baie skoon en netjies. Alles wat nodig is vir selfsorg, is daar.

Ontspanne.

Dit was heerlik, maar ongelukkig het ons yskas nie in Volstruisie gewerk nie. Die yskas in Boklied het gewerk, maar as gevolg van die te veel ys in yshokkie kon die ysbakkies se water nie ys nie. Ons was genoodsaak om yskas die volgende oggend af te sit om dit makliker te maak vir die volgende vakansiegangers. Ons was goed ontvang deur Hestellle. Sal beslis weer gaan.

Fantasties.

Baie dankie aan ons gasvrou. Die huisies was goed toegerus met alles wat nodig is vir 'n heerlike oorslaap. Ons is bederf met 'n kraffie muskadel. Die bed slaap heerlik. Dit was sommer net 'n heerlike kuier.