Dankbaar

Selfsorg

Kapasiteit: 17 persone
Inkloktyd: 14:00 tot 19:00
Uitkloktyd: 10:00
Adres: Ocean View 26A, Struisbaai, 7285, Wes-Kaap
Alle ouderdomme is welkom
Vanaf R950 per nag, vir 2 mense

Beskrywing

Dankbaar is in Struisbaai geleë. Dis naby die hawe, strand en winkels.

Verblyf word gebied in die hoofhuis en woonstel wat apart of saam bespreek kan word.

Die hoofhuis beskik oor 4 slaapkamers en 3 badkamers en bied slaapplek aan 11 gaste. Die oopplan-leefarea bied 'n sitarea, eetarea en 'n kombuis. Die kombuis is toegerus met 'n yskas-vrieskas, stoof, oond, mikrogolf en 'n ketel. Die sitarea het gemaklike sitplek, 'n TV en 'n ingeboude braai. Die leefarea beskik ook oor 'n kroeg-area met 'n yskas-vrieskas. Die leefarea lei na 'n stoep met sitplek en 'n lieflike uitsig oor die see.

Die woonstel is onder die hoofhuis en beskik weer oor 2 slaapkamers en 1 badkamer. Die eerste kamer het 'n dubbelbed met 'n bababed, en die tweede kamer het 2 stapelbeddens. Die leefarea is oopplan en die kombuis is toegerus met 'n yskas-vrieskas, mikrogolf, stoof, oond, eetgerei en breekware. Die sitarea het gemaklike rusbanke, TV en 'n etenstafel. Die woonstel lei na 'n stoep met sitplek en 'n draagbare braai. Die ingang, en stoep is heeltemal privaat van Dankbaar Huis.

Struisbaai het 'n pragtige strand wat oor 14 km vanaf Struisbaai tot by Arniston strek. Die strand is ideaal vir watersport, soos kajakvaar, bootvaarte, branderplankry, lyfplankry, visvang en vlieërbranderry. Jy kan ook op die strand wandel en walviskyk. Wees op die uitkyk vir die pragtige pylsterte wat in die vlak water woon en waarvan sommige tot 2 m lank is.

Kry ’n Kwotasie