De Akker Guest House

Gastehuis

Kapasiteit: 19 persone
Inkloktyd: 14:00 tot 18:00
Uitkloktyd: 10:00
Adres: Kerkstraat 82, Oudtshoorn, 6625, Wes-Kaap
Alle ouderdomme is welkom
Vanaf R1 160 per nag, vir 2 mense

Beskrywing

De Akker Gastehuis is in Oudtshoorn in die Klein-Karoo geleë. Dié gastehuis is sentraal geleë en stapafstand vanaf restaurante, museums, winkelsentrums, besienswaardighede en die middedorp.

Verblyf word in 5 luukse kamers en 2 selfsorg-eenhede gebied. Die luukse kamers is smaakvol ingerig met 'n koninggrootte-bed of 2 enkelbeddens. Die gesinskamer het 'n koninggrootte-bed en 'n stapelbed vir kinders. Elke kamers het 'n en suite-badkamer met 'n stort. Ander geriewe sluit gratis WiFi, 'n TV met DStv, tee- en koffiemaakgeriewe, lugversorging, toiletware en handdoeke in.

Die selfsorg-eenhede het dubbel- of enkelbeddens, asook en suite-badkamers met 'n stort. Die kombuisies is goed toegerus vir selfsorg, het sy eie braai-area, 'n privaat ingang en 'n klein stoep.

Daar is 'n gemeenskaplike eet- en sitarea, asook 'n lieflike stoep. Die gemeenskaplike braai- en swemarea het 'n plonspoel wat gaste kan geniet.

Besienswaardighede en aktiwiteite in die omgewing sluit die Kango Grotte, kabelgly, natuurreservate, Oudtshoorn se gholfklub, wildsplase, volstruisplase, wildreservate, wynplase, Meiringspoort (waterval), museums en 'n krokkodilplaas in. Inligting rakende die besienswaardighede word voorsien met aankoms, asook afslagbewyse vir sommige van dié besienswaardighede.

Kry ’n Kwotasie