De Vrolike Vark

Selfsorg

Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: Elephant Lodge 261, Mabalingwe, R516 Rooiberg, Bela-Bela, 0480, Limpopo
Alle ouderdomme is welkom
Vanaf R950 per nag (plek vir 2)

Beskrywing

De Vrolike Vark is deel van Elephant Lodge in die Mabalingwe Natuurreservaat. Mabalingwe is in die hartjie van die Waterberge, net buite Bela-Bela in Limpopo. Dit is 'n wegbreekplek vir natuurliefhebbers waar vlakvarke, njalas en koedoes gaste elke dag op die stoep kom groet.

Die selfsorgeenhede het elk 'n aparte ingang en bied slaapplek aan 2 gaste per eenheid. Elke eenheid het 2 enkelbeddens wat ook as 'n koninggrootte-bed omskep kan word en 'n en-suite badkamer met 'n stort. Linne en badhanddoeke word voorsien en die kamers het ook lugversorging.

Die kombuis van elke eenhied is met 'n yskas, tweeplaatstoof, mikrogolfoond, koffie- en teemaakgeriewe, breekware en eetgerei toegerus.

Elke eenheid se sitarea het gemaklike rusbanke en 'n TV met DStv. WiFi is ook beskikbaar met ononderbroke kragtoevoer vir die WiFi in die geval van beurtkrag.

Die eenhede het elk 'n privaat boma, met 'n uitsig oor 'n klein stroompie.

Die eenhede is naby die groot gemeenskaplike swembad, 'n mini-gholfbaan, tennisbane, muurbalbaan, tafeltennistafel, pooltafel, astrobaan en 'n winkel.

Die Mabalingwe Natuurreservaat is die tuiste van die Groot 5 en die oord bied ook wildritte, perdryritte, 'n restaurant, dameskroeg en die unieke Kalahari-boskroeg. Eddie en Simon sal die kinders ure lank by die swembad vermaak.

Kry ’n Kwotasie