Die Herberg

Selfsorg

Soos Gesien op Facebook
Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: Goederuststraat 7, Heldervue, Somerset-Wes, 7130, Wes-Kaap
Geen kinders onder 12
Vanaf R800 per nag (plek vir 2)

Beskrywing

Die Herberg is in Heldervue, Somerset-Wes geleë en bied gehalteverblyf aan 'n paartjie, sakereisigers of oornaggaste. Dit is baie gerieflik geleë vir besoekers aan die Helderberg Village Aftree-oord en is naby talle winkels, restaurante, die strand, aktiwiteite en besienswaardighede. Die 2 eenhede, Die Solder en Die Waenhuis, kan afsonderlik of as 'n eenheid bespreek word. Die eenhede het privaat ingange en gaste het toegang tot onderdakparkeerplek op die perseel met direkte toegnag vanaf die straat.

Die Solder is 'n solder-eenheid met 'n koningingrootte-bed en 'n en suite-badkamer met 'n stort, toilet en 'n wasbak.

Die eenheid het 'n kombuisie en 'n eetarea waar gaste hul maaltye kan geniet. Die kombuisie is met 'n yskassie, mikrogolfoond, koffie- en teemaakgeriewe, breekware en eetgerei toegerus, en dit is ideaal vir verhit-en-eet-maaltye. Gaste het ook toegang tot gratis WiFi.

Die eenheid lei na 'n groot balkon met 'n uitsig oor die Helderberg Village-gholfbaan en op Tafelberg in die verte.

Die Waenhuis is 'n solder-eenheid met 'n oopplan-sit- en slaaparea met 2 enkelbeddens en 'n aparte slaapkamer met 2 enkelbeddens. Die badkamer het 'n stort, toilet en wasbak.

Die kombuis is met 'n yskassie, mikrogolfoond, tweeplaatstoof, oond, koffie- en teemaakgeriewe, breekware en eetgerei toegerus. Die etenstafel het sitplek vir 4. Gaste het ook toegang tot gratis WiFi.

Dubbeldeure lei na 'n klein balkon met 'n uitsig oor die lowerryke tuin.

Gemeenskaplike braaigeriewe is ook beskikbaar.

Onderdakparkeerplek is beskikbaar.

Kry ’n Kwotasie