+135

Die Herehuis

Gastehuis

Kapasiteit: 46 persone
Inkloktyd: 14:00 tot 22:00
Uitkloktyd: 10:00
Adres: De Villiersstraat 15, Beaufort-Wes, 6970, Wes-Kaap
Alle ouderdomme is welkom
Vanaf R850 per nag (vir 2 persone)

Beskrywing

Die Herehuis is in die laat 1800's gebou deur Heer Kieser van Engeland en is twee strate vanaf die besige N1, in die stil dorp, Beaufort-Wes geleë. Dié gastehuis is ideaal geleë tussen Johannesburg en Kaapstad of George en het 'n romantiese en unieke styl in die hartjie van die Groot-Karoo.

Verblyf beskik oor 17 luukse eenhede, waarvan 6 opgeknapte en uniek versierde perdestalle is. Elke eenheid het katoenlinne, anti-allergeniese duvets en kussings, yskassie, komplimentêre tee- en koffiemaakgeriewe, DStv, WiFi, insekweerder, haardroër, seep, sneesdoekies, lugversorging en warm komberse.

Langsaan die swembad is daar 'n tuin waar kinders kan rond baljaar en 'n groot onderdakbraai-area met 'n kombuisie. Karoo-lam braaipakke is beskikbaar, mits vooraf reëlings getref is. Die eetkamer het 'n heerlik sondak wat Maandae tot Saterdae oop is vir ontbyt en aandete en is bekend vir smaaklike Karoo disse en ontbyt. Bespreek asb. voor aankoms.

Die Herehuis bie veilige parkeerplek op die perseel agter geslote hekke en geslotekringtelevisie. Die gastehuis praat Engels, Afrikaans en Zoeloe. Rook word in die tuin en op privaat stoepe toegelaat. Troeteldiere is welkom mits vooraf reëlings getref is. Die gastehuis is ook 'n lid van die Suid-Afrikaanse gastehuis vereniging en een van min bekroonde en hoogs gegradeerde gastehuise in die dorp.

Die gastehuis is net 6 km vanaf die Karoo Nasionale Park met 'n lieflike uitsig-roete en meer as 6 000 fauna en flora spesies. Die park bied ook 'n tuiste aan 5 skilpadspesies - die meeste in enige bewarea ter wêreld. Die park het ook uitdagende 4x4-roetes in die berge, asook fietsry-, voetslaan- en fossielroetes.

Kry ’n Kwotasie