Die Uilhuisie

Selfsorg

Kapasiteit: 4 persone
Inkloktyd: 14:00 tot 18:00
Uitkloktyd: 12:00
Adres: Dasklipweg, Uitkyk Plaas, Porterville, 6810, Wes-Kaap
Alle ouderdomme is welkom
Vanaf R850 per nag, vir 4 mense

Beskrywing

Die Uilhuisie is net 12 km van Porterville af geleë, op die Uitkyk Plaas aan die voet van die manjifieke Olifantsrivier-bergreeks. Die Uilhuisie bied 'n prentjiemooi plek om te ontspan en asem te skep.

Dié afgeleë en rustieke selfsorg-eenheid beskik oor 1 slaapkamer en 1 badkamer. Die eenheid bied slaapplek vir 4 gaste. Die slaapkamer het 'n dubbelbed en 2 enkelbeddens. Die badkamer het 'n stort-oor-bad, 'n wasbak en 'n toilet. Onderlakens en handdoeke word voorsien.

Die kombuisie is toegerus met 'n yskas-vrieskas, ketel, tweeplaatgasstoof, eetgerei en breekware. Die eenheid het 'n braai op die stoep.

Die water wat in Die Uilhuisie gebruik word, is fonteinwater uit die berg. Dis soms baie winderig hier en ander kere baie warm.

Die Uilhuisie is net die plek as jy wil kom afskakel van die stad se gedruis! Dis stil en eenkant met pragtige sonsondergange en die natuurskoon om jou.

Daar is ook 'n slim-TV in die huisie. Netflix is reeds opgelaai op TV. Daar is WiFi by die Uilhuisie.

Kom en geniet die stilte wat die Uilhuisie bied! Die dam is tans vol, ideaal vir swem en visvang.

Kry ’n Kwotasie