Die Wit Hangmat

Selfsorg

Langtermynverblyf-aanbod 25% af

Kry 25% af vir verblyf wat 7 nagte of langer is. Hierdie aanbod is altyd geldig.

Gratis kansellasie tot 1 week voor jou verblyf!
Kapasiteit: 9 mense
Inkloktyd: 14:00 tot 20:00
Uitkloktyd: 09:00
Adres: R573, Leeuwkloof Plaas, Erfdeel 30, Cullinan, 1002, Gauteng
Alle ouderdomme is welkom
Vanaf ~~R3 200~~ R2 400 per nag, vir 9 mense

Beskrywing

Die Wit Hangmat is in 'n ongerepte stukkie bosveld met die naam Leeuwkloofvalley, minder as 'n uur se ry vanaf Pretoria. Dit is die ideale bestemming vir 'n gesin of groep vriende wat op soek is na 'n rustige wegbreekplek buite die stad. Die eiendom maak van sonkrag gebruik so dit word nie deur beurtkrag geaffekteer nie.

Verblyf word in 3 gerieflike eenhede met en suite-badkamers aangebied. Die eerste eenheid het 'n koninggrootte-bed, 'n kinderbed en 'n en suite-badkamer met 'n stort, bad en 'n toilet. Die tweede eenheid het 'n koninggrootte-bed en 'n en suite-badkamer met 'n stort en 'n toilet. Die derde kamer het 'n dubbelbed en 'n en suite-badkamer met 'n dubbelbed en 'n en suite-badkamer met 'n stort en 'n toilet. Daar is ook 'n dubbelslaapbank in die leefarea. Alle linne en handdoeke word voorsien.

Die lapa het 'n braai en kookgeriewe soos 'n tweeplaatstoof, oond, yskas-vrieskas, mikrogolfoond, tee- en koffiemaakgeriewe, eetgerei, breekware en 'n gasbraai. Ys en hout is ingesluit en word voorsien.

Gaste het toegang tot die verhitte Jacuzzi met 'n uitsig oor die bosveld en sonsondergang. Gaste kan ook swem, fietsry, voetslaan en voëlkyk op die perseel. Daar is 'n speletjieskamer met 'n pooltafel, tafeltennis en 'n veerpyltjiebord.

Hierdie stuk bosveld is omring deur die Leeuwkloofpark Privaat Natuurreservaat en dus kan gaste verwag om verskeie wildsoorte te sien. Wildritte word nie aangebied nie, maar gaste kan vrylik stap of fietsry en ook by die verskeie piekniekplekke in die veld stop. Die area is besonder ryk aan voellewe en ook verskeie kleinwildspesies. Verwag om naguiltjies, jakkalse, hiënas en selfs leeus in die nag te hoor.

Dinokeng is ongeveer 25 km weg en gaste kan dit self besoek of 'n wildrit in Dinokeng kan op versoek gereël word. Daar is 4x4-roetes, piekniekareas en die Groot 5. Die dorpie Cullinan is ook naby en winkels en restaurante.

'n Klein troeteldier word slegs toegelaat indien vooraf reëlings met die eienaar getref is. Dit is onderhewig aan streng voorwaardes en die hondjie moet op sy eie bed slaap en nie op die eiendom se beddens of banke nie. Voldoende voorsorg teen bosluise moet ook vooraf getref word en troeteldiere moet te alle tye aan 'n leiband gehou word aangesien dit 'n wildernisgebied is.

Kry ’n Kwotasie