Dolfin House

Selfsorg

Spesiale Aanbod 33% af

Bly 3 nagte en betaal slegs vir 2. Geldig vir verblyf vanaf 15 Apr 2024 tot 14 Jun 2024.

Kapasiteit: 6 persone
Inkloktyd: 14:00 tot 18:00
Uitkloktyd: 10:00
Adres: Dolfynstraat 7, Yzerfontein, 7351, Wes-Kaap
Alle ouderdomme is welkom
Vanaf ~~R2 400~~ R1 600 per nag, vir 6 mense

Beskrywing

Dolfin House is 'n gerieflike, ruim selfsorg-eenheid op die grondvloer van die eienaar se woonhuis wat perfek in die prentjiemooi hawedorpie, Yzerfontein, aan die Weskus geleë is.

Die huis beskik oor 3 slaapkamers en 2 badkamers. Die eerste badkamer is ruim en het 'n bad, stort, wasbak en 'n toilet. Die tweede badkamer is en suite.

Die eerste slaapkamer het 'n koninggrootte-bed. Die tweede slaapkamer het 'n koningingrootte-bed en 'n en suite-badkamer met 'n stort, toilet en 'n wasbak. Daar is 2 enkelbeddens in die derde slaapkamer.

Die leefarea is oopplan en die kombuis is toegerus met 'n yskas-vrieskas, skottelgoedwasser, mikrogolfoond, stoof, oond, koffiemasjien, broodrooster, eierkoker en ingeboude kaste met eetgerei, breekware, potte en panne, asook braai-toerusting.

Die sitkamer het gemaklike rusbanke en ‘n slim-TV met die volle DStv-pakket en Netflix. Daar is ook WiFi.

Vir veiligheid is daar sekuriteitskameras aangebring aan die buitekant van die woning.

Daar is 'n wasmasjien op die perseel wat gaste kan gebruik indien hul langer as 2 dae bly.

Die leefarea lei na ‘n beskutte tuin met buite-sitplek met 'n hek. Gaste kan lekker afkoel in die swembad en heerlik kuier by die onderdakbraai-area. Let asb. daarop dat die swembad nie omhein is nie.

Daar is 'n omsetter vir die WiFi tydens beurtkrag, asook 'n gasstofie en ligte.

Die eenheid is baie sentraal geleë en stapafstand vanaf die hoofstrand en bekende 16 myl-strand, Yzerfontein sportklub, Rosmead Bakkery, winkels, restaurante, skoonheids- en haarsalon en net 50 m vanaf die karavaanpark.