Dundonald Lodge

Selfsorg

Naweekaanbod 20% af

Kry 20% af vir verblyf tussen Vrydag en Sondag (minimum twee nagte se verblyf). Geldig vir verblyf vanaf 18 Apr 2024 tot 22 Apr 2024.

Gratis kansellasie tot 1 week voor jou verblyf!
Kapasiteit: 15 persone
Inkloktyd: 14:00 tot 19:00
Uitkloktyd: 10:00
Adres: Lloyd-weg 20, Walmer, Gqeberha (Port Elizabeth), 6070, Oos-Kaap
Alle ouderdomme is welkom
Vanaf ~~R850~~ R680 per nag (plek vir 2)

Beskrywing

Dundonald Lodge bied gerieflike selfsorgverblyf met 'n pragtige uitsig oor Port Elizabeth (Gqeberha) se Baakensvallei. Hierdie lodge is op 'n skuins erf geleë en die voëllewe is volop. Dié eiendom is vir gesinsbesoeke of werkspanne geskik en bied lae tariewe per persoon. Let wel dat die tarriewe vir die hele eenheid is.

Weens die langdurige droogte het Port Elizabeth gereeld waterprobleme, maar dié verblyf het privaat watertoevoer. Gaste moet dit egter spaarsamig gebruik. Daar is ook 'n kragopwekker vir beurtkrag.

Gaste kan tussen 4 eenhede kies, naamlik Dundonald Lodge, Dundonald Sunrise Suite, Dundonald Studio en die Karibu Suite. Gesamentlik is daar slaapplek vir 13 gaste.

Dundonald Lodge bied 'n hoofleefarea met sitplek by die TV, 'n toonbank vir ontbyt en 'n kombuis. Die kombuis is met die gewone klein toebehore, 'n roostermikrogolfoond, elektriese oond, gasstoof, yskas-vrieskas, skottelgoedwasser en 'n wasmasjien toegerus. Gaste kan hul maaltye om die etenstafel met sitplek vir 6 op die onderdakdek geniet. Die dek het 'n uitsig oor die privaat braai-lapa. Die lodge is rolstoelvriendelik.

Dié lodge het slaapplek vir 6 gaste en het 'n hoofslaapkamer met 'n koningingrootte-bed, 'n tweede slaapkamer met 2 enkelbeddens en 'n derde slaapkamer met 'n enkelbed. Die solderarea het 'n enkelbed en is moontlik nie geskik vir jong kinders of bejaardes nie aangesien dit met 'n leer bereik word. Elkeen van die slaapkamers het ingeboude kaste. Die eerste badkamer het 'n bad en die tweede badkamer het 'n stort.

Die Studio bied slaapplek aan 2 gaste en het 'n koningingrootte-bed. Dit beskik oor 'n kombuisie, eetarea en het ook 'n TV. Die selfsorgkombuisie is met 'n yskassie, mikrogolfoond, induksieplaat, elektriese braaipan, 'n ketel en 'n broodrooster toegerus.

Die Sunrise Suite bied slaapplek aan 5 gaste en beskik oor die Studio en 'n kamer met 1 dubbelbed, 1 enkelbed en 'n sitarea.

Die Studio kan apart bespreek word vir 2 gaste, maar nie die kamer nie. Gaste in hierdie 2 eenhede deel 'n badkamer met 'n stort.

Gaste in die Studio, Karibu en Sunrise Suite het toegang tot 'n toegewese onderdakbraai-area in die tuin.

Die Karibu Suite het moderne afwerkings, 'n koningingrootte-bed en 'n en suite-badkamer met 'n stort. Dit bied slaapplek aan 2 gaste en het ook 'n kombuis, gratis WiFi en veilige parkeerplek vir 1 voertuig op die perseel.

Die verblyf is naby die lughawe, hospitale, winkels en restaurante. Port Elizabeth (Gqeberha) het ongelukkig nie betroubare vervoer nie, maar minibus-taxis en Uber is wel beskikbaar.